هــــه‌واڵ عــیراق
داعش له‌ سێ پاريزگاى عراقى په‌لامار هيزه‌يل ئه‌منى و حه‌شد دا

داعش له‌ سێ پاريزگاى عراقى په‌لامار هيزه‌يل ئه‌منى و حه‌شد دا


شه‌فه‌ق نيوز/ سه‌رچه‌وه‌يگ وه‌رپرس ئه‌منى ئاشكراى ئه‌وه‌ كرد ريكخرياگ تيرۆريستى داعش په‌لامار فه‌وج چوار له‌ ليواى گه‌رمه‌ له‌ حه‌شد عه‌شايرى داگه‌ له‌ پاريزگاى ئه‌نبار له‌ ناوچه‌ى ئه‌لجه‌زيره‌ و نيزيكه‌ى زياتر له‌ نيم سه‌عات جه‌نگ كرياگه‌.

 

سه‌رچه‌وه‌گه‌ وت: له‌و جه‌نگه‌ چه‌كداريگ حه‌شد كوشياگه‌و يه‌كيگيش زه‌خمدار بويه‌و هيزه‌يليگ ئه‌منى له‌ 7 ده‌وريه‌ وه‌ل 50 جه‌نگاوه‌ر ده‌رچينه‌ ئه‌را پشتگيرى فه‌وجه‌گه‌ى حه‌شد و دوخه‌گه‌ كۆنترۆڵ كردنه‌.

 

سه‌رچه‌وه‌يگيش وت: 3 كه‌س تر له‌ حه‌شد عه‌شايرى له‌ ليواى 47 زه‌خمدار بوينه‌ له‌ ئه‌نجام ته‌قينه‌وه‌ى مينيگ له‌چاڵنرياێ له‌ ناوچه‌ى جرف ئه‌لنه‌سر له‌ باكوور پاريزگاى بابل.

 

هه‌ر له‌و باوه‌يشه‌و سه‌رچه‌وه‌يگ ئاگادار شه‌فه‌ق نيوز كرد ك مينيگ ته‌قيه‌سه‌ دوريه‌يگ سه‌ر وه‌ سريه‌ ته‌وارى پۆليس شار شه‌رگات له‌ پاريزگاى سه‌ڵاحه‌دين له‌ رێ ناونى ناحيه‌ى تلول ئه‌لباج و بويه‌سه‌ هووكار زه‌خمداربوين دو پۆليس.