هــــه‌واڵ عــیراق
"تيكا"ى توركى قه‌يسه‌ريه‌ سزيايه‌گه‌ێ كه‌ركوك خاسه‌و ئه‌كا

 "تيكا"ى توركى قه‌يسه‌ريه‌ سزيايه‌گه‌ێ كه‌ركوك خاسه‌و ئه‌كا


شه‌فه‌ق نيوز/ ئاژانس توركى ئه‌را هاوكارى و هه‌ماهه‌نگى "تيكا" راپۆرتيگ ئه‌را خاسه‌وكردن بازاڕێگ مێژوويى له‌ناوڕاس شار كه‌ركوك ك ئاگر له‌تى كه‌فته‌و ئاماده‌ كردگه‌.

 

له‌ى باوه‌ته‌و، جونێد ئه‌سمه‌ر ريكخه‌ر به‌رنامه‌ى ئاژانسه‌گه‌ له‌ به‌غداى پايته‌خت عراق، ئه‌وه‌ ده‌رخست ك راپۆرتيگ په‌يوه‌س وه‌ خاسه‌وكردن ئه‌و بازاڕه‌ ئاماده‌ كردنه‌ دوياى گه‌شتيگ له‌و بازاڕ سزياگه‌و ديداريان وه‌ل وه‌رپرسه‌يل ناوچه‌يى له‌ كه‌ركوك، ئه‌ويش وه‌ گووره‌ى ئاژانس هه‌واڵه‌يل توركى.

 

ئه‌سمه‌ر وت: ئه‌و راپۆرته‌ به‌رزه‌و كرياگه‌ ئه‌را ئداره‌ى سه‌ره‌كى له‌ توركيا و ئه‌وانيش ئاماده‌ن وه‌ شيوه‌ى گورجيگ ده‌س بكه‌نه‌ كاره‌يل خاسه‌وكردن ئه‌و بازاڕ مێژووييه‌ له‌ حاڵه‌ت نيشانداين ره‌زامه‌نى ئه‌را خاسه‌وكردنى.