هونه‌ر
له‌ كليپه‌ تازه‌گه‌ى باس نه‌خوه‌شيه‌گه‌ێ ئه‌كا

له‌ كليپه‌ تازه‌گه‌ى باس نه‌خوه‌شيه‌گه‌ێ ئه‌كا


شه‌فه‌ق نيوز/ ئه‌فريل لافين گورانيچڕ ئه‌مريكى، له‌ى دوياخره‌ ڤيديۆ كليپيگ ده‌ركردگه‌و له‌تى باس له‌ نه‌خوه‌شيه‌گه‌ێ ئه‌كا، ئه‌ويش له‌بان شيواز ئه‌ليساى گۆرانيچڕ لوبنانى ك باس له‌ تويشهاتنى وه‌ نه‌خوه‌شى شيرپه‌نجه‌ى مه‌مگ كرد له‌ گورانييگ وێنه‌گيرياێ.

 

لافين له‌ ديمانه‌يگ وه‌ل گۆڤاريگ هونه‌رى ئه‌مريكى وت: له‌وه‌خت نه‌خوه‌شيه‌گه‌م له‌يوا ئحساس ئه‌كه‌م خه‌ريكه‌ له‌ژير ئاو ئه‌خنكيه‌م و هه‌وڵ هه‌ڵمژين هه‌وا ئه‌يه‌م و وه‌ل خوه‌ميشا وتيام ئه‌ى خودايا بڕه‌سه‌ هانام تا سه‌رم له‌بان ئاو بمينێد و هه‌ر وه‌و خاتريشه‌ وشه‌يل گورانيه‌گه‌ى وه‌ (سه‌ر له‌بان ئاو) داناگه‌و له‌تى ئويشێد: ناتويه‌نم بڕه‌سمه‌ كنار ئاو و خودايا نه‌يله‌م بخنكيه‌م.

 

جى باسه‌، ئه‌را ماوه‌ى چوار ساڵه‌ ئى خانمه‌ هونه‌رمه‌نده‌ ناڵنێد وه‌ده‌س نه‌خوه‌شێ(لايم)ك ئه‌ويش داخڵبوين فايرۆسيگه‌ ئه‌را نو خوين له‌ڕێ پووسه‌و، ك ئه‌گه‌ر چاره‌سه‌ر ته‌واو وه‌نه‌گرێد زياى ئه‌كا له‌ شوونه‌يل تر له‌ له‌شى.