هــــه‌واڵ كــوردى
كه‌سايه‌تيه‌يل ئايينى و ريكخرياگه‌يل مه‌ده‌نى له‌ سلێمانى داواێ "به‌ڵێ" ئه‌را راپرسێ كردن

كه‌سايه‌تيه‌يل ئايينى و ريكخرياگه‌يل مه‌ده‌نى له‌ سلێمانى داواێ "به‌ڵێ" ئه‌را راپرسێ كردن


شه‌فه‌ق نيوز/ كه‌سايه‌تيه‌يل ئايينى و كۆمه‌ڵايه‌تى و هونه‌رمه‌نده‌يل و ئه‌كاديميه‌يل و رووژنامه‌نويسه‌يل و 12 ريكخرياگ مه‌ده‌نى له‌ پاريزگاێ سلێمانى ئاشكراێ پشتگيرى خوه‌يان له‌ راپرسێ كردن ك بڕياره‌ له‌ 25 ئه‌يلوول ئاينده‌ ئه‌نجام بگرێد ئه‌را سه‌روه‌خوه‌يى هه‌رێم كوردستان له‌ عراق.

 

ئه‌و كه‌سايه‌تيه‌يل و هونه‌رمه‌ند و ئه‌كاديمى و نوێنه‌ره‌يل ئه‌و ريكخرياگه‌يل مه‌ده‌نيه‌ له‌ كۆنگره‌يگ رووژنامه‌گه‌رێ له‌ شار سلێمانى وتن: ئيمه‌ لايه‌نگرێ ئه‌نجامداين راپرسى له‌ كوردستان ئه‌كه‌يم و داوايش له‌ گشت كورديگ ئه‌كه‌يم له‌ هه‌رێم كوردستان ده‌نگ وه‌ به‌ڵێ ئه‌را سه‌روه‌خوه‌يى بيه‌ن.

 

جى باسه‌، هه‌ميش وتن: راپرسێ مافيگ سروشتى ملله‌ته‌ له‌ كوردستان و داوايش له‌ حزب و لايه‌نه‌يل كوردستانييش كردن دوير بگرن له‌ ناكووكێ و هه‌وڵ بيه‌ن دانيشتن وه‌يه‌كه‌و ساز بكه‌ن ئه‌را تاوتوێكردن مه‌سه‌له‌ێ راپرسێ ك چاره‌نويس ملله‌ت ديارێ ئه‌كاو موڵك لايه‌نيگ وه‌ ته‌نيا نيه‌ـ به‌ڵكوو موڵك گشت ملله‌ت كورده‌.