هــــه‌واڵ كــوردى
فره‌نسا بۆردومانه‌گه‌ێ ئيران ئه‌را بان هه‌رێم كوردستان ئدانه‌ كرد

فره‌نسا بۆردومانه‌گه‌ێ ئيران ئه‌را بان هه‌رێم كوردستان ئدانه‌ كرد


شه‌فه‌ق نيوز/ فره‌نسا ئه‌و بۆردومانه‌يل ئيرانه‌ ك رووژ شه‌ممه‌ى گوزه‌يشت خاكه‌يل هه‌رێم كوردستان عراق گرته‌ ئامانج ئدانه‌ كرد.

 

له‌ى باوه‌ته‌و، خارجيه‌ى فره‌نسى له‌ به‌ياننامه‌يگ جه‌خت له‌ پابه‌ندێ ريزگرتن له‌ سه‌روه‌رى عراق كرد و نگه‌رانى خوه‌ى ده‌رخست له‌وه‌گ ئيران په‌ره‌ ئه‌ياده‌ به‌رنامه‌ مووشه‌كيه‌گه‌ێ و جيوازكردنى ئه‌را ناوچه‌گه‌.

 

جى باسه‌، ده‌سڵاته‌يل له‌ كوردستان باس له‌وه‌ كردن ك قوربانيه‌يل ئه‌و بۆردمان ئيرانيه‌ سه‌خت بويه‌ له‌ شار كۆيسنجه‌ق سه‌ر وه‌ پاريزگاى هه‌ولێر پايته‌خت هه‌رێم و بويه‌سه‌ هووكار كوشيان 15 كه‌س و زه‌خمداركردن 42 كه‌س تر له‌ دو حزب ئۆپۆزسيۆن ئيرانى.