هــــه‌واڵ كــوردى
ليژنه‌يگ له‌ به‌غدا له‌وه‌ر موچه‌ێ دو وزاره‌ت سه‌ردان كوردستان ئه‌كا

ليژنه‌يگ له‌ به‌غدا له‌وه‌ر موچه‌ێ دو وزاره‌ت سه‌ردان كوردستان ئه‌كا


شه‌فه‌ق نيوز/ سه‌رچه‌وه‌يگ حكومى له‌ هه‌رێم كوردستان، ئاشكراى ئه‌وه‌ كرد ك شانديگ له‌ حكومه‌ت عراقى سه‌ردان هه‌ولێر ئه‌كا ئه‌را تاتويكردن له‌باره‌ى موچه‌ێ كارمه‌نده‌يل له‌ دو وزاره‌ت.

 

ڤيان محه‌مه‌د ئه‌ندام ليژنه‌ى هاوبه‌ش ك ئه‌را ئى مه‌سه‌له‌يله‌ دامه‌زرياگه‌ له‌ناونه‌ به‌غدا و هه‌ولێر له‌ لێدوانيگ رووژنامه‌گه‌رى وت: بڕياره‌ شانديگ له‌ حكومه‌ت به‌غدا سه‌ردان شار هه‌ولێر بكا له‌باره‌ێ موچه‌ى كارمه‌نده‌يل هه‌ردوگ وزاره‌ت ته‌ندروسى و په‌روه‌رده‌ و ئه‌را ئاگاداربوين له‌ له‌و ليست تايبه‌ت ك وه‌ناو كارمه‌نده‌يل ئى هه‌ردوگ وزاره‌ته‌ ئاماده‌ كرياگه‌.

 

جى باسه‌، محه‌مه‌د هه‌ميش وت: واده‌ى كوتايى ئى سه‌ردانه‌ ديارێ نه‌كرياگه‌، وه‌لێ بڕياره‌ له‌ى سه‌ردانه‌ شاند حكومه‌ت به‌غدا وه‌ل نوێنه‌ره‌يل هه‌ردوگ وزاره‌ته‌گه‌ مه‌سه‌له‌ێ موچه‌ێ كارمه‌نده‌يل تاوتوێ بكا.