هــــه‌واڵ عــیراق
سه‌ركرده‌ێ تازه‌يگ ئه‌را له‌ناوبردن داعش دامه‌زريا

سه‌ركرده‌ێ تازه‌يگ ئه‌را له‌ناوبردن داعش دامه‌زريا


شه‌فه‌ق نيوز/ بول فانك جه‌نراڵ ئه‌مريكى سه‌ركردايه‌تى هاوپه‌يمان ناوده‌وڵه‌تى وه‌رگرت وه‌ سه‌رۆكايه‌تى وڵاته‌يل يه‌كگرتگ دژ ريكخرياگ ده‌وڵه‌ت ئسلامى له‌ عراق و سوريا، ئه‌ويش له‌ شوون ستيفن تاونسند ك وه‌رجه‌ ساڵيگ سه‌ركردايه‌تى وه‌رگرت.

 

فانك مه‌سه‌له‌ێ وجوود ريكخرياگ ترۆريستى داعش تا ڕاده‌يگ وه‌ هه‌ڕه‌شه‌يگ تاريف كرد له‌بان جه‌هان پيشكه‌فتگ و وت: بايه‌سه‌ راويان بنه‌يم و هه‌وڵه‌يل هاوبه‌شمان زه‌مانه‌ته‌ ئه‌را واينيان.

 

جى باسه‌، ريكخرياگ داعش له‌ ساڵ 2014 ده‌سڵات گرته‌ بان ناوچه‌يل فراوانيگ له‌ عراق و سوريا له‌ چوارچيوه‌ێ هه‌وڵه‌يلێ ئه‌را دامه‌زرانن خه‌لافه‌ت، وه‌لێ له‌ى مانگه‌يل دوياخره‌ ده‌سكرده‌ واين له‌ زوورم ناوچه‌يل ژير ده‌سڵاتى.