هــــه‌واڵ كــوردى
ئداره‌ى گه‌رميان له‌باره‌ى په‌لامار داعش ئه‌را بان شاريگى ئاشكراكردنيگ دا

ئداره‌ى گه‌رميان له‌باره‌ى په‌لامار داعش ئه‌را بان شاريگى ئاشكراكردنيگ دا


شه‌فه‌ق نيوز/ ئداره‌ى ناوچه‌ى گه‌رميان سه‌ر وه‌ هه‌رێم كوردستان، په‌لامارداين ناحيه‌ى نه‌وجول له‌لايه‌ن ريكخرياگ ترۆريستى داعشه‌و خسته‌ دروو، باس له‌وه‌يش كرد ك ئه‌وه‌گ روێداگه‌ ته‌نيا كرده‌وه‌يگ ئاسايشى بويه‌ له‌لايه‌ن هيزه‌يل ئاسايشه‌و ئه‌نجام درياگه‌ ئه‌را بان بڕيگ له‌ ترۆريسته‌يل له‌ قه‌زاى خورماتوو له‌ باشوور كه‌ركوك.

 

ئداره‌ى گه‌رميان له‌ به‌ياننامه‌يگ ئه‌را(شه‌فه‌ق نيوز)وت: بريگ له‌ كه‌ناڵه‌يل ره‌يانن هه‌واڵيگ بڵاو كردنه‌ ك گوايا كوشتار له‌ناونى هيزه‌يل پێشمه‌رگه‌و ئاسايش وه‌ل ريكخرياگ ترۆريستى داعش له‌ ناحه‌يى نه‌وجول روێداگه‌، وه‌لێ ئى هه‌واڵه‌يله‌ دويرن له‌ڕاسى.

 

جى باسه‌، به‌ياننامه‌گه‌ هه‌ميش وت: بڕيگ له‌ چه‌كداره‌يل داعش له‌ ئاواييگ له‌ ناونى خورماتوو و ناحيه‌ى سلێمان به‌گ بڵاو بوينه‌و هيزه‌يل ئاسايشيش زانيارى له‌بان جموجويليان داشتگه‌و يه‌كسه‌ر روى له‌ليان كردگه‌و جه‌نگ له‌ناونيان روێداگه‌و چه‌كداريگ داعش كوشياگه‌و باقيانييش واينه‌.