هــــه‌واڵ عــیراق
به‌سره‌ جاريگتر تويڕه‌س له‌باره‌ى دويره‌وخستنى له‌ پۆسته‌يل وه‌زارێ

به‌سره‌ جاريگتر تويڕه‌س له‌باره‌ى دويره‌وخستنى له‌ پۆسته‌يل وه‌زارێ


شه‌فه‌ق نيوز/ دوياى دامركيان تويڕه‌يى خوه‌ينيشانده‌ره‌يل له‌ پاريزگاى به‌سره‌، جاريك تر جموجويل سياسى و تويڕه‌يى مه‌ردمى خه‌ريكه‌ ده‌س وه‌پى ئه‌كا له‌باره‌ى دامه‌زرانن حكومه‌ته‌گه‌ى عادل عه‌بدولمهدى و مه‌ردم ئه‌و پاريزگا باوه‌ڕيان ئه‌وه‌سه‌ حكومه‌ت پاريزگاگه‌يان فه‌رامووش كردگه‌ ك هويچ پۆستيگ وه‌زارى وه‌پى نه‌درياگه‌.

 

وه‌ل ئه‌وه‌يشا دياره‌ ئى جاره‌ به‌سره‌ وه‌ئاسانى ناكه‌فێده‌ ژير ئيراده‌ى حكومه‌ت و جموجويل سياسى جيا له‌ گوزه‌يشت خه‌ريكه‌ گام خوه‌ێ نه‌ێد له‌ڕێ هه‌ماهه‌نگى له‌ناونى ئه‌ندامه‌يل و وه‌رپرسه‌يل و مه‌ردم پاريزگاگه‌، ك يه‌يش حكومه‌ت عه‌بدولمهدى ئه‌خاده‌ وه‌رده‌م گرفت گه‌ورايگ.

 

جى باسه‌، له‌ى باوه‌تيشه‌و چه‌وديره‌يل باوه‌ڕيان ئه‌وه‌سه‌ عه‌بدولمهدى خوه‌ێ خسته‌سه‌ روێ وه‌ڕوێ بوينه‌وه‌ وه‌ل به‌سره‌و گومان له‌ تواناى حكومه‌ت ديرن ئه‌را وه‌ديكردن چاره‌سه‌ر قه‌يران ئه‌و پاريزگا له‌ساى يه‌كگرتن هيزه‌يل سياسى له‌ پاريزگاگه‌ وه‌ل مه‌ردم دژ حكومه‌ته‌گه‌ى و له‌ هه‌مان وه‌خت ئه‌ندامه‌يليگ ئاماژه‌ وه‌ ئه‌وه‌ كردنه‌ ك مه‌ردم به‌سره‌ ئاماده‌ن ئه‌را مانگرتن  فريه‌ تويڕه‌يگ و هه‌ر وه‌و خاتريشه‌ شايه‌ت خوه‌ينيشانداين دوياى ته‌مامبوين زياره‌ت چله‌ى ئيمام حسێن(س ، خ)ده‌س وه‌پى بكاو ئه‌ندامه‌يليگيش پشتگيرى له‌لى ئه‌كه‌ن.