هــــه‌واڵ عــیراق
مه‌رجه‌عيگ ئايينى داواى "پاكانه‌" له‌ عه‌بدولمهدى و وه‌زيره‌يلێ ئه‌كا

مه‌رجه‌عيگ ئايينى داواى "پاكانه‌" له‌ عه‌بدولمهدى و وه‌زيره‌يلێ ئه‌كا


شه‌فه‌ق نيوز/ دوياى تومه‌تباركردن وه‌زيره‌يليگ له‌ حكومه‌ت عادل عه‌بدولمهدى وه‌ مه‌سه‌له‌يل تيرۆر و گه‌ناته‌كارى و ئنتما ئه‌را حزب به‌عس رمياگ، محه‌مه‌د يه‌عقوبى مه‌رجه‌ع ئايينى له‌ نه‌جه‌ف داوا له‌ ئه‌و و تيمه‌ وه‌زاريه‌گه‌ى كرد پاكانه‌ پيشكه‌ش بكه‌ن له‌و تومه‌ته‌يله‌.

 

يه‌عقوبى له‌ به‌ياننامه‌يگ وت: ملله‌ت عراق كه‌ميگ ئوميد ئه‌وه‌ داشت له‌ حكومه‌ت تازه‌ ك بدێده‌ حكومه‌تيگ نيشتمانى و ئه‌من و خزمه‌تگوزارى و ئابوورى خاسيگ ئه‌راى پيشكه‌ش بكا، وه‌لێ ئمڕوو دوياى ئاشكرابوين ناسنامه‌يل ئه‌ندامه‌يلێ ئه‌و ئوميده‌ له‌ده‌س چێ و حكومه‌ت بڕيگ له‌و كه‌سه‌يله‌ گرته‌سه‌ خوه‌ى ك وه‌ مه‌سه‌له‌ى تيرۆر و گه‌ناته‌كارى و ساخته‌كردن باوه‌ڕنامه‌و ئه‌ندامێتى له‌ سه‌ركردايه‌تى به‌عس رمياگ و ئنتما ئه‌را ره‌گه‌زنامه‌ى بيگانه‌ تومه‌تبار كريان، ك چوين پيشبينى ئه‌و ئامانجه‌يله‌ بكه‌يم له‌ ئيچنه‌ كه‌سه‌يليگ؟

 

جى باسه‌، مه‌رجه‌ع ئايينى داوايش له‌ ئه‌ندامه‌يل په‌رله‌مان كرد وه‌تايبه‌ت ئه‌وانه‌گ ده‌نگ له‌بان داين متمانه‌ وه‌و كسه‌يله‌ دانه‌ ئه‌و متمانه‌يله‌ له‌ليان بكيشنه‌و وه‌تايبه‌ت له‌وانه‌گ ئه‌و تومه‌ته‌يله‌ له‌بانيان ئسپات ئه‌دێ و داوايش له‌ سه‌رۆك وه‌زيزره‌يل كرد پاكانه‌ى وه‌زيره‌يلى پيشكه‌ش بكا.