هــــه‌واڵ كــوردى
مه‌سعود بارزانى ناڕازيه‌ له‌بان ميكانيزم هه‌ڵوژانن سه‌رۆك كۆمار

مه‌سعود بارزانى ناڕازيه‌ له‌بان ميكانيزم هه‌ڵوژانن سه‌رۆك كۆمار


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، جه‌خت له‌وه‌ كرد ك رێ وشوونه‌يل ئيسه‌ ئه‌را هه‌ڵوژانن سه‌رۆك كۆمار له‌ ئه‌نجومه‌ن نوێنه‌ره‌يل عراقى چه‌واشه‌ى ئه‌و نه‌ر‌يته‌يله‌سه‌ ك جيوه‌جى كريانه‌ له‌ خوله‌يل وه‌رين.

 

بارزانى له‌ به‌ياننامه‌يگ هه‌ڵه‌په‌ڵه‌ ئه‌را شه‌فه‌ق نيوز، وت: بايه‌سه‌ بوێ يا يه‌ك كانديد هه‌ڵوژرياتاد له‌ناو كوتله‌ى گه‌ورا يا كوتله‌يل كوردستانى مه‌سه‌له‌گه‌ يه‌كلاوه‌ بكرديان.

 

جى باسه‌، بارزانى هه‌ميش وت: ئه‌و ميكانيزم ئيسه‌ ك په‌يڕه‌و كريا جى قه‌بول نيه‌و ئاشكراى يه‌يش كرد ك هه‌ڵويست له‌ى باوه‌ته‌و ديرێد له‌ وه‌خته‌يل نزيكيگ.