هــــه‌واڵ كــوردى
كورد له سوريا ئاماده‌ن ئه‌را روێ وه‌ڕوێ بونه‌وه‌ى توركيا

كورد له سوريا ئاماده‌ن ئه‌را روێ وه‌ڕوێ بونه‌وه‌ى توركيا


شه‌فه‌ق نيوز/ كورد له‌ سوريا قسه‌يليان وه‌رانوه‌ر ئه‌نقه‌ره‌ گرژه‌و كردنه‌ له‌وه‌ختيگ ك مه‌ترسى له‌ جموجويل توركى ئه‌كريه‌ێد ئه‌را له‌ناوبردن يه‌كينه‌يل پاسه‌وان ملله‌ت كورد له‌ هيزه‌يل سورياى ديموكرات ك دژ وه‌ ريكخرياگ داعش جه‌نگ ئه‌كا له‌ باكوور خوه‌رهه‌ڵات سوريا وه‌ پشتگيرى وڵاته‌يل يه‌كگرتگ.

 

له‌و باوه‌ته‌و، وه‌رپرسيگ باڵاى كورد ئه‌وه‌ ده‌رخست ك جه‌نگاوه‌ره‌يلێ ئاماده‌ن ئه‌را روێ وه‌ڕوێ بوينه‌وه‌ى هيزه‌يل توركى له‌ حاڵه‌تيگ ئه‌گه‌ر هاتنه‌ناو باكوور خوه‌رهه‌ڵات سوريا و وت: ئاشكراس ك لێدوانه‌يل ئى دوياخر ئه‌نقه‌ره‌ ماناى ئه‌وه‌سه‌ توركيا پلان ديرێد ئه‌را داگيركردن ناوچه‌گه‌.

 

جى باسه‌، شاهوز حه‌سه‌ن سه‌رۆك هاوبه‌ش حزب يه‌كيتى ديموكرات ئه‌را ئه‌سۆشێتد پرێس وت: ئاماده‌يم ئه‌را روێ وه‌ڕوێ بوينه‌وه‌ى هه‌ڕه‌شه‌يل توركى له‌ڕێ وه‌رگريكردن.