هــــه‌واڵ عــیراق
ئه‌مريكا: ئيران ماڵ مه‌سيحيه‌يل له‌ عراق داگيركردگه‌

ئه‌مريكا: ئيران ماڵ مه‌سيحيه‌يل له‌ عراق داگيركردگه‌


شه‌فه‌ق نيوز/ كريستيانا ئه‌رياغا دى باكهولز سه‌رۆك ليژنه‌ى ئه‌مريكى ئه‌را ئازاديه‌يل ئايينى ناوده‌وڵه‌تى، وت: مه‌سيحيه‌يل خوه‌رهه‌ڵات ناوين جوور هاووڵاتى پله‌ دو مامڵه‌ وه‌ليانا ئه‌كريه‌ێد و فريه‌يگ له‌وانه‌يش ك كووچ كردنه‌ با ده‌ركريانه‌ له‌ شوون وماواى خوه‌يان مه‌يل گله‌وخواردن ديرن، وه‌لێ هه‌وه‌جه‌ وه‌ده‌سميه‌ت ديرن.

 

دى باكهولز وت: ئه‌را نموونه‌ شماره‌ى مه‌سحيه‌يل له‌ عراق وه‌رجه‌ كيشمه‌كيشه‌يل ره‌سيه‌ يه‌ك مليۆن و 200 هه‌زار كه‌س، وه‌لێ ئيسه‌ ئه‌و شماره‌ داوه‌زيه‌ ئه‌را نزيكه‌ى 200 هه‌زار له‌گشت وڵاته‌گه‌و ناڵنن وه‌ده‌س بيكارى و خوه‌ندنگاى مناڵه‌يليان و فريه‌يگيش له‌ليان مه‌يل گله‌وخوادرن ديرن ئه‌را ئه‌و شوونه‌يله‌ ك له‌ليه‌و ده‌رچينه‌و هه‌ناى ئه‌خوازن گليشه‌و بخوه‌ن دوينن ئيراننيه‌يل ماڵه‌يليان داگير كردگه‌ يا له‌ليان ئه‌خوازێد ماڵه‌يليان بفرووشن وه‌ پويل زياتر له‌وه‌ر ئه‌وه‌گ هانيان بيه‌ن كووچ وه‌ره‌و خوه‌رئاوا بكه‌ن.

 

جى باسه‌، ناوبرياێ هه‌ميش وت: بارودوخ ئه‌منى له‌و ناوچه‌يل مه‌سيحيه‌ فريه‌ خراوه‌و شوونه‌وار رووشنهويرى له‌ عراق ويران كرياگه‌.