هــــه‌واڵ عــیراق
په‌رله‌مانتاريگ له‌باره‌ێ بيتاوانكردن عيساوى و هاشمى وشدارێ دا

په‌رله‌مانتاريگ له‌باره‌ێ بيتاوانكردن عيساوى و هاشمى وشدارێ دا


شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل له‌بان ئئتلاف ده‌وڵه‌ت ياسا، وشدارى دا ئه‌را كه‌سايه‌تيه‌يليگ گرينگ له‌ حكومه‌ت ك مه‌راميان لاوردن تومه‌ت و حوكمه‌يل دادگايى بوود ده‌رهه‌ق رافع عيساوى و تارق هاشمى ك له‌لايه‌ن دادگاى عراقيه‌و داواكرياگن.

 

نسه‌يف له‌ به‌ياننامه‌يگ له‌لايه‌ن نوسينگه‌ ره‌ساننه‌گه‌ێ ئه‌را(شه‌فه‌ق نيوز)وت: هه‌وڵه‌يليگ جددێ هه‌ن له‌لايه‌ن بڕيگ له‌ كه‌سايه‌تيه‌يل گرينگ له‌ حكومه‌ت ئه‌را لاوردن دوسيه‌ێ تاوانكارى عيساوى و هاشمى و بيتاوانكردنيان و به‌سانن دوسيه‌يليان، ك يه‌يش وازيكردنه‌ وه‌ خوين بيتاوانه‌يل و حورمه‌ت نه‌گرتن ده‌سڵات ياسا و خراوه‌كارى ده‌رهه‌ق ملله‌ت عراقى وه‌گشت پيكهاته‌يليه‌و.

 

جى باسه‌، نسه‌يف هه‌ميش وت: هه‌ركه‌سيگ هه‌وڵ لاوردن ئه‌و تومه‌ته‌يله‌ بيه‌ێد له‌بان عيساوى و هاشمى شه‌ريكه‌ وه‌ليانا له‌ تاوانه‌يليان، چوينكه‌ ئه‌و هه‌ردوگ تاوانباره‌ ديارترين كه‌سه‌يليگ فتنه‌و پشتگير ريكخه‌ره‌يل خوه‌ينيشانداينه‌يل خراوه‌كار بوين ك ڕى ئه‌را وه‌ناوهاتن داعش واز كردن.