هــــه‌واڵ عــیراق
له‌په‌رله‌مان ئمزا دژ "سه‌به‌بكاره‌يل" رميان موسڵ گرده‌و كريه‌ێد

له‌په‌رله‌مان ئمزا دژ "سه‌به‌بكاره‌يل" رميان موسڵ گرده‌و كريه‌ێد


شه‌فه‌ق نيوز/ سه‌رچه‌وه‌يليگ په‌رله‌مانى عراقى ئاشكراى وجوود جموجويليگ كردن له‌ناو ئه‌نجومه‌ن نوێنه‌ره‌يل ئه‌را دوباره‌ وازكردنه‌وه‌ى دوسيه‌ى رميان موسڵ وه‌ده‌س ريكخرياگ تيرۆريستى داعش له‌ ناوڕاس ساڵ 2014، يه‌يش له‌وه‌ختيگ نوێنه‌ره‌يليگ جه‌خت له‌وه‌ ئه‌كه‌ن دوياخستن ئه‌و دوسيه‌ وه‌ دريژايى ساڵه‌يليگ هووكاره‌گه‌ێ كه‌سه‌يليگ باڵا بوينه‌ له‌ تاوانه‌گه‌.

 

سه‌رچه‌وه‌يگ ئاگادار نوێنه‌رايه‌تى وت: ماوه‌ى رووژه‌يليگه‌ شماره‌يگ له‌ ئه‌ندامه‌يل خه‌ريك جموجويلن وه‌خاتر گرده‌وكردن ئمزا و ليژنه‌گيش تايبه‌ت په‌رله‌مانى له‌ى باوه‌ته‌و دامه‌زريه‌ێد ك كاره‌يلى له‌ وه‌خته‌يليگ ديارێكرياگ ته‌واو ئه‌كا.

 

سه‌رچه‌وه‌گه‌ هه‌ميش وت: ئه‌ندامه‌يل وه‌رپرسيارێتى رميان موسڵ خستنه‌ بان سه‌ركردايه‌تيه‌يل سياسى و سه‌ربازێ ك له‌و وه‌خته‌يله‌ حوكم عراق كرديان و له‌ وه‌رجه‌ گشتيانيش نورى مالكى سه‌رۆك  وه‌زيره‌يل وه‌رين و سه‌ركرده‌ى گشتى هيزه‌يل چه‌كدار له‌و وه‌خته‌يله‌.

 

جى باسه‌، سه‌رچه‌وه‌گه‌ هه‌ميش وت: په‌رله‌مانتاره‌يل چه‌وه‌ڕێ ئه‌وه‌ ئه‌كه‌ن ئه‌نجومه‌ن نوێنه‌ره‌يل ليژنه‌يل په‌رله‌مانى دامه‌زرنێد له‌وه‌ر خاتر وه‌رده‌وامى جموجويليان له‌ى باوه‌ته‌و، چوينكه‌ دوسيه‌ى موسڵ گرنگه‌ ئه‌را زياتر له‌ ليژنه‌يگ و له‌وانه‌يش ليژنه‌ى ئاسايش و وه‌رگرى.