وتـــــار
ئيوه‌ هيشتين كوردستان بڕيار سه‌روه‌خوه‌يى بيه‌ێد

ئيوه‌ هيشتين كوردستان بڕيار سه‌روه‌خوه‌يى بيه‌ێد


شه‌فه‌ق نيوز/ عراق وه‌ قوناغه‌يل مێژوويى سه‌خت و بارودوخيگ گوزه‌ر ئه‌كاو له‌وانه‌يش جه‌نگ وه‌رده‌وام وه‌ل داعش و هه‌وڵداينى ئه‌را ئازادكردن ئه‌و ناوچه‌يله‌ ك له‌ساڵ 2014ه‌وه‌ ده‌سڵات له‌بانيان گرتگه‌، يه‌يش له‌يوا كرد گشت هيزه‌يل سه‌ربازێ له‌ سوپا و پێشمه‌رگه‌ قافڵه‌يليگ له‌ شه‌هيده‌يل بيه‌ن بيجگه‌ هيزه‌يل حه‌شد شه‌عبى، وه‌لێ سه‌ختتريش له‌وه‌ ك مايه‌ێ ئحراجه‌، ئه‌ويش داواكاێ حكومه‌ت كوردستانه‌ ئه‌را رووڵه‌يل ملله‌ت كوردستان ئه‌را راپرسێ له‌ 25 ئه‌يلوول له‌وه‌ر بڕيار چاره‌نويس كوردستان له‌ سه‌روه‌خوه‌يى.

 

له‌يرا بايه‌سه‌ روێ پرسيار له‌ سياسيه‌يل و حكومه‌ت به‌غدا بكه‌يم ك كام له‌ليدان وه‌رپرسين له‌بان ئيچنه‌ بڕياريگ له‌لايه‌ن كوردستانه‌و. ئاشكرايشه‌ ك ئى بڕياره‌ له‌ به‌تاڵه‌و ناتگه‌ دوياێ ئه‌وه‌گ حكومه‌ت كوردستان جاڕسبوين خوه‌ێ له‌ ره‌سين ئه‌را شيوازيگ ره‌سينه‌وه‌ وه‌ل حكومه‌ت ناوه‌ند ئاشكرا كرد. ئه‌ويش له‌ ئدارێ عراق له‌ڕێ شه‌راكه‌ت راسكانى ك ده‌قى ئه‌وه‌سه‌ ماف بدريه‌ێده‌ گشت پيكهاته‌يلى و جياوازێ نه‌كريه‌ێد له‌ ناونيان وه‌ ئه‌وه‌گ گشتيان سه‌ر وه‌ يه‌ك وڵاتن.

 

له‌ڕاسى ئيمه‌ چه‌ومان كه‌فته‌ ئه‌وه‌گ سياسيه‌يل له‌ كوردستان روێ له‌ به‌غدا كرديان له‌وه‌ر ره‌سينه‌و چاره‌سه‌ر گشت كيشه‌يل، وه‌لێ گشت ئه‌و هه‌وڵه‌يله‌ نه‌ڕه‌سينه‌ ئوميد راسكانى و بى ئوميدى له‌ليان كه‌فته‌و، ئمجا له‌وه‌ر ئه‌وه‌گ ده‌ستوور باس ئى چشته‌ كردگه‌، ئه‌ێ له‌وه‌رچه‌ جيوه‌جى ناكريه‌ێد.

 

له‌جياێ مامڵه‌كردن وه‌ ئه‌قڵانيه‌ت و دانايى له‌ ره‌فتار و كار، حكومه‌ت ناوه‌ند كاريگ كرد ئاكام خراو داشتوود، ئه‌ويش بڕين مووچه‌ و رزق كارمه‌نده‌يل كوردستان عراق بوێ، ك يه‌يش كاره‌گه‌ له‌ناونى هه‌ردوگلا قورستره‌و كرد و ترسيگ له‌لاێ گشت چينه‌يل ملله‌ت كورد دروسكرد له‌ وه‌ختيگ ك زوورم ملله‌ت له‌بان مووچه‌ ژيه‌ن.

 

ئايا ئه‌يه‌ برياريگ حه‌كيمانه‌ بويه‌و له‌ وه‌رپرسيارێتى ئه‌هميه‌ت حكومه‌ت وه‌ ملله‌تى و ئايا راسه‌ حكومه‌ت رزق فه‌قيره‌يل بووڕێد ك ئيوه‌ وه‌بوونه‌يانه‌و نيشتنينه‌ له‌ حوكم، ك دوينيم دروشمه‌يلدان له‌ڕى خوتبه‌و برنامه‌يلدان چوينه‌ له‌باره‌يانه‌و.

 

ملله‌ت عراق له‌ زاخۆ تا فاو يه‌كيگن، له‌يرا بايه‌سه‌ ئشاره‌ وه‌ ئه‌وه‌ بكه‌يم ك كارمه‌نده‌يل و مه‌ردم كوردستان نه‌ك ته‌نيا له‌ كورد، به‌ڵكوو له‌ عه‌ره‌ب و توركمان و مه‌سيح و له‌ گشت نه‌ته‌وه‌ و ئايين و تايفه‌يل ك ئه‌گه‌ر هه‌ر كيشه‌يگ ديرين وه‌ل حكومه‌ت كوردستان ئايا تاوان ملله‌ت چه‌س، خاستر ئه‌وه‌سه‌ گفتگوو وه‌ل حكومه‌ت كوردستان ئه‌نجام بيه‌ين و ته‌شخيس هووكاره‌يل كيشه‌گه‌ بكه‌ين، ك هه‌رچه‌نى خوه‌دانيش هووكاره‌گه‌ زانين.

موهه‌نه‌د ئه‌لجبورى