هــــه‌واڵ عــیراق
ئه‌عره‌جى باس له‌ دوياخستن هه‌ڵوژاردنه‌يل كرد

ئه‌عره‌جى باس له‌ دوياخستن هه‌ڵوژاردنه‌يل كرد


شه‌فه‌ق نيوز/ به‌ها ئه‌عره‌جى جيگر وه‌رين سه‌رۆك وه‌زيره‌يل ئه‌نجومه‌ن نوێنه‌ره‌يل عراقى خسته‌ وه‌ر په‌لامار قسه‌يلى وه‌ بوونه‌ى پشووداينيان وه‌بى جيگيركردن بودجه‌ى ناوه‌ندى ساڵ 2018.

 

ئه‌عره‌جى وت: پشوو په‌رله‌مان و پشووداين ئه‌ندامه‌يلى وه‌بى جيگيركردن بودجه‌ موخالفه‌يگ ده‌ستووريه‌و ئى كاريشه‌ ئه‌دێده‌ هووكار دوياخستن مه‌سه‌له‌ێ جيگيركردن پرووژه‌ى راسه‌وكردن ياساى هه‌ڵوژاردنه‌يل، ك بايه‌س بوى له‌بان ئه‌نجومه‌ن نوێنه‌ره‌يل له‌ى وه‌خته‌يل نازگه‌ وه‌رپرسيارێتى ئه‌و هه‌ردوگ ياسا ته‌مام بكردياد و دوياخر روێ له‌ پشوو ته‌شريعى بكردياد نه‌ك ئى گامه‌ بدێده‌ هووكار دوياخستن ئه‌نجامداين هه‌ڵوژاردنه‌يل.

 

جى باسه‌، دويه‌كه‌ سه‌ليم جبورى سه‌رۆك ئه‌نجومه‌ن نوێنه‌ره‌يل عراقى پرووژه‌ى بودجه‌ هه‌واڵه‌ى ليژنه‌ى دارايى كرد ئه‌را داناين شيواز كووتايى تا له‌ دانيشتنه‌يل تر جياى ئه‌نجومه‌ن بخريه‌ێده‌ روێ.