هــــه‌واڵ عــیراق
ئئتلاف مالكى بيده‌نگى وه‌رپرسيگ عراقى له‌باره‌ى فرووشتن په‌يكه‌ر بابلى ده‌رخست

ئئتلاف مالكى بيده‌نگى وه‌رپرسيگ عراقى له‌باره‌ى فرووشتن په‌يكه‌ر بابلى ده‌رخست


شه‌فه‌ق نيوز/ عاليه‌ نسه‌يف ئه‌ندام له‌بان ئئتلاف ده‌وڵه‌ت ياسا داوا له‌ ده‌زگاى ئاسايشى نيشتمانى و هه‌واڵگيرى و ده‌سه‌ى ده‌سپاكى كرد په‌يجورى له‌ هووكاره‌يل بيده‌نگى بريكار وه‌زاره‌ت رووشنهويرى و پىيوه‌نديداره‌يل بكريه‌ێد له‌باره‌ى به‌رزه‌وكردن شكايه‌تيگ دادوه‌رى دژ مه‌زاد ئه‌مريكى ك جداريه‌ى كلتوورى بابلى له‌ نيويۆرك فرووشتگه‌.

 

نسه‌يف له‌ به‌ياننامه‌يگ له‌لايه‌ن نويسينگه‌ ره‌ساننه‌گه‌يه‌و ئه‌را شه‌فه‌ق نيوز وت: تاوان ده‌نگ نه‌كردن و وه‌رگرتن پڕه‌ پويليگ و فرووشتن يه‌كيگ له‌ گرنگترين شوونه‌واره‌يل عراقى له‌ مه‌زاديگ جه‌هانى ئه‌وه‌نه‌ جياوازى نه‌يرێد له‌ دزين شوونه‌وار و بازرگانيكردن وه‌پيه‌و له‌ڕوێ كاره‌يل ياساييه‌و له‌وه‌ختيگ ك وه‌رپرسيگ دياريكرياێ بڕه‌ پويليگ فريه‌ وه‌رگرتوێد جوور رشپه‌ت وه‌رانوه‌ر ده‌نگ نه‌كردنى و به‌رز نه‌كردنه‌وه‌ى شكايه‌ت دژ مه‌زاده‌گه‌ ك ئه‌و شوونه‌واره‌ نمايش كردگه‌.

 

جى باسه‌، نسه‌يف جه‌خت له‌وه‌يش كرد ده‌زگاى ئاسايش نيشتمانى و هه‌واڵگيرى و ده‌سه‌ى ده‌سپاكى و لايه‌نه‌يل چاوديرى بايه‌سه‌ په‌يجورى له‌باره‌ى بيده‌نگى  له‌بان فرووشتن جداريه‌ى كلتوورى و كويه‌ن بابلى له‌ه‌ يه‌كيگ له‌ مه‌زاده‌يل نيويۆرك.