هــــه‌واڵ عــیراق
حه‌كيم: ده‌وڵه‌تيگ چه‌ك ته‌نيا وه‌ده‌س خوه‌يه‌و نه‌يلێد ده‌وڵه‌ت نيه‌

حه‌كيم: ده‌وڵه‌تيگ چه‌ك ته‌نيا وه‌ده‌س خوه‌يه‌و نه‌يلێد ده‌وڵه‌ت نيه‌


شه‌فه‌ق نيوز/ عه‌مار حه‌كيم سه‌ركرده‌ى ره‌وت حيكمه‌ى نيشتمانى داواى ئه‌وه‌ كرد چه‌ك ته‌نيا وه‌ده‌س حكومه‌ته‌و بدێ و وت: ده‌وڵه‌تيگ ك نه‌تويه‌نێد ئارامى و خزمه‌تگوزارى دابين بكا ده‌وڵه‌ت شكه‌ستيگه‌.

 

حه‌ميم له‌ وته‌ى له‌ميان ئاهه‌نگ حه‌شد شه‌عبى ك له‌به‌غداى پايته‌خت سازكريا، وت: ده‌وڵه‌تيگ چه‌ك ته‌نيا وه‌ده‌س خوه‌يه‌و نه‌يلێد ده‌وڵه‌ت بته‌ويگ نيه‌و هه‌ر وه‌و خاتريشه‌ داواكاريم چه‌ك وه‌ده‌س ده‌وڵه‌ته‌و بدێ و ياسا له‌بان گشتلايگ جيوه‌جێ بكريه‌ێد وه‌بى جياوازى.

 

حه‌كيم هه‌ميش وت: ده‌وڵه‌تيگ ك تواناى ئه‌نجامداين ئه‌ركه‌يلێ نه‌ياشتوود له‌ ئارامى و خزمه‌تگوزارى و سه‌روه‌رى ده‌وڵه‌تيگه‌ شكه‌ست يا كز و بيده‌سڵات و عراقيش ئه‌و وڵاته‌سه‌ ك ده‌وڵت وه‌هيز و پته‌ويگ شايسته‌يه‌.