هــــه‌واڵ عــیراق
هه‌ڵه‌يگ توركى كووتايى وه‌ ژيان فه‌تواده‌ريگ ناودار عراقى هاورد

هه‌ڵه‌يگ توركى كووتايى وه‌ ژيان فه‌تواده‌ريگ ناودار عراقى هاورد


شه‌فه‌ق نيوز/ هه‌ڵه‌يگ له‌ ئاژانس ئه‌نادۆڵ توركى بويه‌ هووكار مردن ئه‌حمه‌د ئه‌لكوبه‌يسى فه‌تواده‌ر ناودار عراقى ك ئاشكراى مردنى كرد، يه‌يش له‌ وه‌ختيگ ك كابراى مردگ عه‌بدولعه‌زيز ئه‌لكوبه‌يسى فه‌تواده‌ر سعودى بوى.

 

ئاژانسه‌گه‌ هه‌واڵه‌گه‌ تيكه‌ڵ كرد ك ده‌يان ماڵپه‌ڕ تر له‌ ناونى ئه‌لكوبه‌يسى سعودى و عراقى باسى كردن، ك وه‌شيوه‌يگ فه‌رمى هه‌واڵ مردن ئه‌حمه‌د ئه‌لكوبه‌يسى عراقى خريا دروو و جه‌خت له‌ خاسى ته‌ندروسيى كردن و يه‌يش له‌يوا كرد ئاژانس فه‌رمى توركى هه‌واڵه‌ وه‌رينه‌گه‌ێ بكوشنێده‌و.

 

جى باسه‌، فه‌تواده‌ر سعودى له‌ نه‌خوه‌شخانه‌ى"ميدى بول"له‌ شار ئه‌سته‌مبوڵ مرد ك وه‌رجه‌ دو رووژ جيواز كريا له‌ سعوديه‌وه‌ ئه‌را توركيا وه‌ ته‌ياره‌يگ ئه‌سعاف.