هــــه‌واڵ كــوردى
سه‌رۆكايه‌تى هه‌رێم وجوود په‌يوه‌ندێ ته‌له‌فۆنى ناونى بارزانى و وه‌زير خارجيه‌ێ ئه‌مريكى خسته‌ دروو

سه‌رۆكايه‌تى هه‌رێم وجوود په‌يوه‌ندێ ته‌له‌فۆنى ناونى بارزانى و وه‌زير خارجيه‌ێ ئه‌مريكى خسته‌ دروو


شه‌فه‌ق نيوز/ ئومێد سه‌باح قسه‌كه‌ر وه‌ناو سه‌رۆكايه‌تى هه‌رێم كوردستان ئه‌و قسه‌يله‌ خسته‌ دروو ك له‌ى دوياخره‌ باس كريا وه‌ ئه‌وه‌گ ريكس تيرلسۆن وه‌زير خارجيه‌ێ ئه‌مريكى په‌يوه‌ندييگ ته‌له‌فۆنى وه‌ل مه‌سعه‌د بارزانى سه‌رۆك هه‌رێم ئه‌نجام داگه‌‌.

 

سه‌باح له‌ به‌ياننامه‌يگ ئه‌را(شه‌فه‌ق نيوز)وت: له‌ بڕيگ له‌ هووكاره‌يل ره‌سانن و ده‌زگايه‌يليگ له‌ ماوه‌ێ دو رووژ گوزه‌يشت ئه‌وه‌ بڵاو كرياگه‌ ك وه‌زير خارجيه‌ێ ئه‌مريكى په‌يوه‌ندێ ته‌له‌فۆنى كرده‌سه‌ سه‌رۆك هه‌رێم كوردستان.

 

ئومێد هه‌ميش وت: ئيمه‌ له‌يراوه‌ ئاشكراێ ئه‌را گشت لايه‌نه‌يل ئه‌كه‌يم ك ئى هه‌واڵه‌ دويره‌ له‌ڕاسێ و هويچ په‌يوه‌ندييگ ته‌له‌فۆنى له‌ ناونى بارزانى و وه‌زير خارجيه‌ێ ئه‌مريكى ئه‌نجام نه‌گرتگه‌.

 

جى باسه‌، هووكاره‌يليگ ره‌سانن كوردستانى و عه‌ره‌بى باس له‌وه‌ كردن ك تريلسۆن په‌يوه‌ندێ ته‌له‌فۆنى كرده‌سه‌ بارزانى و هه‌ڵويست وڵاته‌گه‌ێ ده‌رخستگه‌ ك راپرسێ ئه‌را سه‌روه‌خوه‌يى له‌ هه‌رێم كوردستان ره‌ته‌و ئه‌كا.