هــــه‌واڵ عــیراق
روحانى يه‌كه‌م نامه‌ ئه‌را به‌رهه‌م ساڵح وه‌ داواكارييگه‌و كلكرد

روحانى يه‌كه‌م نامه‌ ئه‌را به‌رهه‌م ساڵح وه‌ داواكارييگه‌و كلكرد


شه‌فه‌ق نيوز/ حه‌سه‌ن روحانى سه‌رۆك ئيرانى، نامه‌يگ پيرووزبايى ئاراسته‌ى به‌رهه‌م ساڵح كرد وه‌ بوونه‌ى هه‌ڵوژاننى ئه‌را سه‌رۆك كۆمار عراق و ئوميد ئه‌وه‌ خواست ك ماوه‌ى سه‌رۆكايه‌تيه‌گه‌ى له‌ عراق زياتر په‌يوه‌نديه‌يل ناونى هه‌ردوگ وڵات په‌ره‌ بسينێد و ماوه‌يگ بدێ ك خزمه‌ت وه‌ به‌رژه‌وه‌ندى هه‌ردوگ ملله‌ت عراقى و ئيرانى بكا.

 

ماڵپه‌ڕ ره‌سانن نويسينگه‌ى سه‌رۆك ئيرانى ده‌ق نامه‌گه‌ى روحانى ئه‌را به‌رهه‌م ساڵح سه‌رۆك كۆمار عراق ئاشكرا كرد ك له‌تى وتگه‌: من وه‌خوه‌شاڵييه‌و پيرووزبايى ئه‌كه‌م وه‌ بوونه‌ى هه‌ڵوژانن نوێنه‌ر ملله‌ت عراقى ئه‌را جه‌نابدان جوور سه‌رۆك عراق وڵات هاوسا.

 

جى باسه‌، دويه‌كه‌ به‌رهه‌م ساڵح له‌ دو گه‌شت له‌ ده‌نگداين په‌رله‌مانى سه‌ركه‌فت وه‌ وه‌ده‌سهاوردن 175 ده‌نگ ك وه‌پى پۆست سه‌روك كۆمار وه‌ده‌سهاورد و يه‌يش جوور سێيه‌مين سه‌رۆك كۆمار له‌ عراق له‌شوون 2003 و نۆيه‌مين سه‌رۆك كۆمار له‌ مێژوو عراق.