هــــه‌واڵ كــوردى
هيزيگ تازه‌ى كه‌نه‌دى ئه‌ياده‌ كوردستان

هيزيگ تازه‌ى كه‌نه‌دى ئه‌ياده‌ كوردستان


شه‌فه‌ق نيوز/ وزاره‌ت وه‌رگرى كه‌نه‌دى ئاشكراى ئه‌وه‌ كرد ك نزيكه‌ى 60 سه‌رباز له‌ هيزه‌يل ئاسمانى كه‌نه‌دى كه‌فتنه‌سه‌ڕى وه‌ره‌و هه‌رێم كوردستان، ئه‌ويش له‌ چوارچيوه‌ى هه‌وڵه‌يل روى وه‌ڕوى بوينه‌وه‌ى ريكخرياگ ترۆريستى داعش.

 

وزاره‌ته‌گه‌ له‌ به‌ياننامه‌يگ ك(شه‌فه‌ق نيوز)ئاگادارى بوى، وت: نزيكه‌ى 60 سه‌رباز له‌ هيزه‌يل په‌ل ته‌ياره‌يل هێليكۆپته‌ر ته‌كتيكى(408)له‌ بنگه‌ى سه‌ريازى شار ئيدمۆنتۆن له‌ ولايه‌ت ئه‌لبيرتا كه‌فتنه‌سه‌ڕى وه‌ره‌و هه‌رێم كوردستان.

 

جى باسه‌، به‌ياننامه‌گه‌ باس له‌وه‌يش كرد ك هيز تازه‌يگ ئه‌ياد شوون يه‌كه‌ى(430)هێليكۆپته‌ر ته‌كتيكى، ك له‌ ئوكتۆبه‌ر/ ته‌شرين يه‌كه‌م 2016 ده‌سكرده‌ ئه‌نجامداين ئه‌ركه‌يلى له‌ دژايه‌تى ريكخرياگ داعش و بڕياريشه‌ ئى هيز تازه‌ى كه‌نه‌ديه‌ له‌ بنگه‌يگ سه‌ربازى له‌ نزيك شار هه‌ولێر جيگير بدێ.