هــــه‌واڵ عــیراق
به‌غدا ئاشكراكردنيگ له‌باره‌ى لاوردن جه‌زاير و وه‌هران له‌ جاده‌يلێ دا

به‌غدا ئاشكراكردنيگ له‌باره‌ى لاوردن جه‌زاير و وه‌هران له‌ جاده‌يلێ دا


شه‌فه‌ق نيوز/ محه‌مه‌د روبه‌يعى ئه‌ندام ئه‌نجومه‌ن پاريزگاى به‌غدا، ئه‌و هه‌واڵه‌يله‌ وه‌دروو خست ك باس له‌ لاوردن ناو جه‌زاير له‌ مه‌يدانه‌يل و جاده‌يل به‌غدا كردن، ئه‌ويش له‌ جواو هتاف هانده‌ره‌يل جه‌زايرێ ك لايه‌نگر سه‌دام حسێن بوين له‌ وازيه‌يل تووپان له‌ناونى تيمه‌يل هه‌ردوگ وڵات.

 

روبه‌يعى له‌ لێدوانيگ ته‌له‌فزيۆنى وت: ئه‌نجومه‌ن پاريزگاى به‌غدا هويچ ئالشت نه‌كردگه‌و بڕياريش نه‌ياگه‌ ناو هويچ مه‌يدانيگ يا جاده‌يگ لاوه‌ێد ك ناو جه‌زاير يا يه‌كيگ له‌ پاريزگايه‌يلێ وه‌پيه‌و بدێ.

 

روبه‌يعى هه‌ميش وت: بڕيگ كه‌م له‌ هانده‌ره‌يل نوێنه‌رايه‌تى راى گشتى جه‌زايرى ناكه‌ن و عراقيش ده‌وڵه‌تيگه‌ وه‌ شيوه‌يگ ده‌زگاييه‌و مامڵه‌ ئه‌كاز كاريگه‌ر نادێ وه‌ به‌عزيگ هتاف و قسه‌يليگ په‌يوه‌ندى ناونى هه‌ردوگ وڵات خراو بكا.