ئابوورى
توركيا خوازياره‌ قه‌واره‌ێ بازرگانى وه‌ل عراق بڕه‌سنێده‌ 20 مليار دۆلار

توركيا خوازياره‌ قه‌واره‌ێ بازرگانى وه‌ل عراق بڕه‌سنێده‌ 20 مليار دۆلار


شه‌فه‌ق نيوز/ فاح يه‌ڵدز باڵيۆز توركيا له‌ عراق، ئاشكراى ئه‌وه‌ كرد ك وڵاته‌گه‌ێ ئامانجى ئه‌وه‌سه‌ قه‌واره‌ى بازرگانى وه‌ل عراق به‌رزه‌و بكا ئه‌را 20 مليار دۆلار.

 

يه‌ڵدز له‌ كۆنگره‌يگ رووژنامه‌گه‌رێ له‌ به‌غداى پايته‌خت باس له‌ په‌يوه‌نديه‌يل ناونى هه‌ردوگ وڵات و سه‌ردانه‌گه‌ى ئى دوياخر به‌رهه‌م ساڵح سه‌رۆك كۆماره‌ كرد ئه‌را توركيا و وت ئامانج ئه‌وه‌سه‌ قه‌واره‌ى بازرگانى له‌ناونى هه‌ردوگ وڵات به‌رزه‌و بكريه‌ێد ئه‌را 20 مليار دۆلار له‌ قۆناغ يه‌كه‌م و هويچ ريگرييگيش نيه‌ ئه‌را زياتر به‌رزه‌وكردنى له‌ قۆناغه‌يل ئاينده‌.

 

جى باسه‌، يه‌ڵدز هه‌ميش وت: ئه‌و باج دووانيه‌ ك به‌غدا ئچه‌سپنێده‌ى گه‌وراترين گرفته‌ له‌وه‌رده‌م بازرگانى ناونى هه‌ردو وڵاته‌گه‌و باس له‌وه‌يش كرد ك به‌رهه‌م ساڵح سه‌رۆك كۆمار له‌ سه‌ردانه‌گه‌ى ئه‌را توركيا جه‌حت له‌وه‌ كردگه‌ ك وڵاته‌گه‌ى ئه‌و گرفته‌ چاره‌سه‌ر ئه‌كا.