هــــه‌واڵ عــیراق
بڕ يه‌ك مليۆن دينار ئه‌را هه‌ر ئافره‌تيگ ئێزيدێ قورتاربوێ ته‌رخان كريا

  بڕ يه‌ك مليۆن دينار ئه‌را هه‌ر ئافره‌تيگ ئێزيدێ قورتاربوێ ته‌رخان كريا


شه‌فه‌ق نيوز/ ليژنه‌ێ باڵاێ وه‌هاناڕه‌سين و له‌خوه‌يگرتن كووچبه‌ره‌يل ته‌رخانكردن بڕ يه‌ك مليۆن دينار ئه‌را هه‌ر ئافره‌ته‌ قورتاربوێ ئێزيدييگ له‌ داعش ته‌رخان كرد، ئه‌ويش وه‌ ريككه‌فتن وه‌ل وزاره‌ت كار و كاروبار كۆمه‌ڵايه‌تى.

 

جاسم محه‌مه‌د جاف وه‌زير كووچ و كووچبه‌ره‌يل عراقى له‌ وه‌خت سه‌رۆكايه‌تيكردن دانيشتنيگ خول ليژنه‌ێ ناوبرياێ له‌ باره‌گاێ وزاره‌ته‌گه‌ له‌ به‌غداێ پايته‌خت وت: چه‌ن دوسيه‌يگ تاوتوێ كريانه‌ له‌ دانيشتنه‌گه‌و له‌وانه‌يش دوسيه‌ێ كووتاييهاتن جه‌نگه‌يل له‌ ديم راس موسڵ و گرينگى ده‌سوه‌پيكردن هاوردنه‌وه‌ى سه‌قامگيرى ئه‌را ناوچه‌يل ئازادكرياێ و ره‌سانن كاره‌با ئه‌را كه‌مپ كووچبه‌ره‌يل له‌ ناوچه‌ێ حسه‌ينيه‌ له‌ به‌غداو ته‌ئكيد له‌ سه‌ڵامه‌تى كووچبه‌ره‌يل.

 

جى باسه‌، جاف هه‌ميش وت: ئاگادار وزاره‌ت ته‌ندروسييش كرياگه‌ ئه‌را جواودانه‌وه‌ێ داواكارى و هه‌وه‌جه‌يل ده‌زگاێ ته‌ندروسى هه‌ولێر و پيشكه‌شكردن خزمه‌ته‌يل پزيشكى خواستيگ ئه‌را كووچبه‌ره‌يل.