هــــه‌واڵ كــوردى
كوردستان داواى راسه‌وكردن به‌شه‌ بودجه‌گه‌ێ له‌ حكومه‌ت ناوه‌ندێ ئه‌كا

كوردستان داواى راسه‌وكردن به‌شه‌ بودجه‌گه‌ێ له‌ حكومه‌ت ناوه‌ندێ ئه‌كا


شه‌فه‌ق نيوز/ حكومه‌ت هه‌رێم كوردستان، جه‌خت له‌وه‌ كرد ك ره‌شنويس ياساى بودجه‌ ك دويه‌كه‌ له‌ دانيشتن حكومه‌ت ناوه‌ندى باس كريا چه‌ن مادده‌و بڕگه‌يليگ ناده‌ستوورى گرته‌ خوه‌ى.

 

له‌ به‌ياننامه‌ى سه‌رۆكايه‌تى حكومه‌ت هه‌رێم ئه‌را(شه‌فه‌ق نيوز)ئه‌وه‌ ده‌ركه‌فت ك دانيشتنيگ وه‌ سه‌رۆكايه‌تى نه‌يچێروان بارزانى و وه‌ ئاماده‌بوين قوباد تاڵه‌بانى جگيرى ساز كردگه‌ و تايبه‌ت بويه‌ وه‌ تاوتويكردن پرووژه‌ ياساێ بودجه‌ى عراقى ئه‌را ساڵ 2018.

 

به‌ياننامه‌گه‌ وت: حكومه‌ت هه‌رێ/ جاريگتر جه‌خت له‌وه‌ كردگه‌ ك ره‌شنويس ياساى بودجه‌ چه‌ن مادده‌و بڕگه‌يليگ ناده‌ستوورى ئه‌گرێده‌ خوه‌ى و ئاشكرايش ده‌ركه‌فتگه‌ ك قه‌واره‌ى ده‌ستوورى هه‌رێم كوردستان وه‌ گووره‌ى ده‌ستوورعراقى جوور هه‌رێميگ ناوه‌ندى دگان وه‌پى نرياگه‌ نه‌ك جوور پاريزگايه‌يل باكوور عراق و جوور ئه‌وه‌گ له‌ ره‌شنويس ياداشت كرياگه‌و دوياى ئه‌وه‌يش ده‌ستوور ماف دياريكردن يا كه‌مه‌وكردن ده‌سڵاته‌يل ده‌ستوورى ئه‌را هه‌رێم كوردستان نه‌ياگه‌.

 

جى باسه‌، حكومه‌ت هه‌رێم داوايش له‌ حه‌يده‌ر عبادى سه‌رۆك ئه‌نجومه‌ن وه‌زيره‌يل ناوه‌ندى كرد ك تێبينيه‌يل حكومه‌ت هه‌رێم وه‌ ئه‌هميه‌ته‌و وه‌ربگرێد له‌ باره‌ى پرووژه‌ ياساى بودجه‌ى عراقى ئه‌را ساڵ 2018 و داوايش كرد ده‌س له‌و كرده‌وه‌يل نادادگه‌ريه‌ هه‌ڵگيريه‌ێد ك به‌ش هه‌رێم كوردستان له‌ بودجه‌ وه‌  12,6% ديارى كردگه‌ بيجگه‌ دياريكردن به‌ش كارمه‌نده‌يل و مووچه‌داره‌يل هه‌رێم كوردستان وه‌ ريژه‌ى فريه‌گ كه‌ميگ وه‌ به‌راورد وه‌ هه‌قه‌يل داراييان وه‌ گووه‌رى تۆمار بايۆمه‌ترى،  ته‌نانه‌ت به‌س مووچه‌ى يه‌ك پاريزگاى هه‌رێم كوردستانيش بكا.