هــــه‌واڵ كــوردى
پاريزگار كه‌ركووك خوازيار داناين ئاڵاى كوردستانه‌

پاريزگار كه‌ركووك خوازيار داناين ئاڵاى كوردستانه‌


شه‌فه‌ق نيوز/ نه‌جمه‌دين كه‌ريم پاريزگار كه‌ركووك داوا له‌ ئه‌نجومه‌ن پاريزگا كرد هه‌ڵه‌په‌ڵه‌ بكه‌ن له‌ مه‌سه‌له‌ى ده‌نگداين له‌بان ئه‌و بڕياره‌ ك پيشكه‌شى كردگه‌ له‌باره‌ى به‌رزه‌وكردن ئاڵاى كوردستان له‌شان ئاڵاى عراقى له‌ دام و ده‌زگايه‌يل حكومى له‌ پاريزگاگه‌.

 

كه‌ريم سه‌رى سوڕ مه‌ند له‌ ره‌ته‌وكردن به‌عزه‌ لايه‌نيگ له‌ مه‌سه‌له‌ى به‌رزه‌وكردن ئاڵا له‌ پاريزگاگه‌و وت: ئاڵاى كوردستان له‌ توركيا به‌رزه‌و كريا ئه‌ى له‌وه‌رچه‌ له‌ كه‌ركووك به‌رزه‌و نه‌كريه‌ێد، ئه‌ويش له‌ ئاماژه‌يگ ئه‌را به‌رزه‌وكردنى له‌ ئه‌نقه‌ره‌ له‌ وه‌خت سه‌ردانه‌گه‌ى مه‌سعود بارزانى سه‌رۆك هه‌رێم ئه‌را توركيا.

 

جى باسه‌، كه‌ريم له‌ كۆنگره‌يگ رووژنامه‌گه‌رى ك(شه‌فه‌ق نيوز)ئاگادارى بوى، وت: هويچ كيشه‌و ناكووكييگ له‌ناونى پيكهاته‌يل كه‌ركووك نيه‌ له‌بان به‌رزه‌وكردن ئاڵاى كوردستان له‌ ناو دام و ده‌زگايه‌يل حكومى له‌ پاريزگاگه‌و هيزه‌يل پێشمه‌رگه‌يش خوين خوه‌يان كردنه‌سه‌ قوربانى له‌وه‌ر مقه‌يه‌تيكردن له‌ كه‌ركووك و هه‌ر له‌وه‌ر ريز و كرده‌وه‌يل خاس ئه‌و پاڵه‌وانه‌يله‌ بايه‌سه‌ له‌بان پيكهاته‌يل كه‌مترين چشتيگ ك پيشكه‌شى بكه‌نه‌ پێشمه‌رگه‌ به‌رزه‌وكردن ئاڵاى كوردستان بدێ و دوياخريش حه‌يده‌ر عبادى سه‌رۆك وه‌زيره‌يل عراقى هه‌ناى ك سه‌ردان پاريزگاگه‌ كرد چه‌وى كه‌فته‌ ئاڵاى كوردستان له‌شان ئاڵاى عراقى دانرياوێد و خوه‌شاڵ بوى وه‌پى.