كوردستان له‌باره‌ى شيواز مامڵه‌كردنى وه‌ل مامۆستايه‌يل ئاشكراكردنيگ دا
هــــه‌واڵ كــوردى
كوردستان له‌باره‌ى شيواز مامڵه‌كردنى وه‌ل مامۆستايه‌يل ئاشكراكردنيگ دا
شه‌فه‌ق نيوز/ وه‌رپرسيگ باڵا له حكومه‌ت هه‌رێم كوردستان جه‌خت له تۆمارنه‌كردن شكايه‌ت دژ ده‌زگاى ئاسايش هه‌رێم كوردستان كرد له‌وه‌خت خوه‌ينيشانداين كارمه‌نده‌يل و مامۆستايه‌يل له كوتايى مانگ گوزه‌يشته دژ سيستم پاشه‌كه‌وت.
له‌ى باوه‌ته‌و، ديندار زێبارى ريكخه‌ر راسپارده‌يل ناوده‌وڵه‌تى له به‌ياننامه‌يگ وت: له‌و خوه‌ينيشانداينه‌يله بڕيگ له هووكاره‌يل ره‌سانن نياز ئه‌وه داشتنه ريڕه‌و خوه‌ينيشانداينه‌يل ئاڵشت بكه‌ن دوير له ئامانج سه‌ره‌كى خوه‌ينيشانده‌ره‌يل، ئه‌ويش وه پاڵناينيان ئه‌را ئه‌نجامداين تون وتيژى.
جى باسه، له‌باره‌ى ئه‌و دعايه‌يله ك كريا له‌بان ره‌وشت و مامڵه‌ى ده‌زگايه‌يل ئاسايشى وه‌ل ره‌ساننكاره‌يل، زێبارى وت: هويچ شكايه‌تيگ له دادگا دژ لايه‌نه‌يل ئاسايشى به‌رزه‌و نه‌كرياگه له‌باره‌ى وه‌كارهاوردن تون وتيژى و هه‌ر وه‌ختيگيش شكايه‌تيگ بدێ له‌و وه‌خته ده‌زگايه‌يل تايبه‌تمه‌ند ده‌س ئه‌كه‌نه له‌وه‌رگرتن ڕێ وشوون ياسايى دژ ئه‌و كه‌سه‌يله سه‌رپيچى كردنه‌و له هه‌مان وه‌خت ده‌زگاى ئاسايشى چه‌ن چه‌قوويگ له‌لاى بڕيگ له خوه‌ينيشانده‌ره‌يل كۆنترۆڵ كردنه‌و كارمه‌نديگ ئاسايش زه‌خمى بويه‌و وه‌ل ئه‌وه‌يشا مامڵه‌ى ده‌زگاى ئاسايشى وه‌شيوه‌يگ ياسايى بويه وه‌ل ئه‌و كه‌سه‌يله وه‌خاتر ئه‌وه‌گ ريره‌و خوه‌ينيشانداينه‌يل له ئامانج سه‌ره‌كى خوه‌ى لانه‌يه‌ێد.
