هــــه‌واڵ عــیراق
په‌رله‌مانتاريگ: دارايى عراق له‌ كۆنگره‌ێ كوه‌يت وه‌تاڵان خه‌رج كريه‌ێد

په‌رله‌مانتاريگ: دارايى عراق له‌ كۆنگره‌ێ كوه‌يت وه‌تاڵان خه‌رج كريه‌ێد


شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل له‌بان ئئتلاف ده‌وڵه‌ت ياسا، ره‌خنه‌ له‌ وه‌رپرسه‌يل عراقى گرت ك هه‌ر يه‌كيگ له‌ليان چه‌نه‌ها كه‌س وه‌ل خوه‌يان بردنه‌ ئه‌را كۆنگره‌يل كوه‌يت له‌وه‌ر ئاوه‌دانكردن عراق و باس له‌وه‌يش كرد ك هه‌ڵوژاردن كوه‌يت جوور شوونيگ ئه‌را سازكردن ئه‌و كۆنگره‌ له‌وه‌رچه‌ له‌ وه‌ختيگ ك ريككه‌فته‌ وه‌ل ئاهه‌نگسازى كوه‌يتيه‌يل وه‌ناونيشان"هلا فبراير".

 

له‌ى باوه‌ته‌و، نسه‌يف له‌ به‌ياننامه‌يگ له‌لايه‌ن نويسينگه‌ ره‌ساننه‌گه‌يه‌و، وت: جى داخه‌ هه‌ر يه‌ك له‌ وه‌زير يا پاريزگار يا سه‌رۆك ده‌سه‌يل تاقميگ وه‌ نزيكه‌ى (5 – 10) كه‌س وه‌ل خوه‌يان بردنه‌و ئى شانده‌يله‌ خه‌رج فره‌يگ ئه‌خاده‌ بان ده‌وڵه‌ت.

 

جى باسه‌، نسه‌يف هه‌ميش وت: ئى كۆنگره‌ گونگره‌يگ وه‌به‌رهاوردنه‌ نه‌ك به‌خشينه‌و له‌يرايش تيكڵاوى فريه‌يگ له‌ ميكانيزم ريكخستن و دياريكردن ئامانجه‌گه‌ێ دياره‌و هه‌ر وه‌و خاتريشه‌ ئاگادار چه‌ن وزاره‌تيگيش كريا وه‌ره‌قه‌يليان ئاماده‌ بكه‌ن وه‌ ئامانج تاوتوێكردن مه‌سه‌له‌ێ وه‌به‌رهاوردن و ئاماژه‌ وه‌يه‌يش كرد ك زوورم كومپانيايه‌يل عراقى فيزا وه‌پيان نه‌درياگه‌ له‌وه‌ر چگن ئه‌را كوه‌يت و به‌شداريكردن له‌ى كۆنگره‌و ته‌نيا كومپانيايه‌يل عه‌ره‌بى و بيگانه‌ نه‌فوه‌رگرتنه‌ له‌وانه‌گ كار ئه‌گه‌ن له‌ عراق و گشتيانيش ره‌زامه‌نى به‌شدارى وه‌رگرتنه‌و كومپانيايه‌يل عراقييش بيبه‌ش كريانه‌.