هــــه‌واڵ كــوردى
يه‌كێتى: PKK زاڵه‌ له‌بان 700 ئاوايى له‌ هه‌رێم كوردستان

يه‌كێتى: PKK زاڵه‌ له‌بان 700 ئاوايى له‌ هه‌رێم كوردستان


شه‌فه‌ق نيوز/ رووژنامه‌ى تايمز باوه‌تيگ هه‌نا لوسيندا بڵاو كردگه‌ له‌ژير ناونيشان " توركه‌يل ئاماده‌ن ئه‌را په‌لامارداين كورد له‌ 11 بنگه‌ى تازه‌ى عراقييه‌و.

 

لوسيندا وت: توركيا ئاماده‌كارى ئه‌را په‌لامارداين ميليشيايه‌يل كورد ئه‌كا له‌ هه‌رێم كوردستان له‌ گاميگ ك سه‌رۆك توركى ئوميده‌واره‌ بدێده‌ پشتگير ئه‌راى له‌ هه‌ڵوژاردنه‌يل سه‌رۆكايه‌تى و په‌رله‌مانى له‌ مانگ ئاينده‌.

 

نويسه‌ر باوه‌ته‌گه‌ وتگه‌: سوپاى توركى 11 بنگه‌ى تازه‌ له‌ عراق دامه‌زرانگه‌ ك زوورميان هانه‌ نزيك مه‌رزه‌يلى وه‌ل ئيران و ناوچه‌گه‌يش شوون پارت كارگه‌ره‌يل كوردستانه‌.

 

جى باسه‌، سه‌رچه‌وه‌يگيش له‌ يه‌كێتى نيشتمانى كوردستان ئه‌را رووژنامه‌ى ناوبرياێ وت: پارت كارگه‌ره‌يل كوردستان زاڵه‌ له‌بان نزيكه‌ى 700 ئاوايى له‌ هه‌رێم كوردستان و له‌ هه‌ر په‌لاماريگيش قه‌يران دروس ئه‌دێ له‌ ناوچه‌گه‌.