ته‌رم مير ئێزيديه‌يل ره‌سيه‌وه هه‌رێم كوردستان
هــــه‌واڵ كــوردى
ته‌رم مير ئێزيديه‌يل ره‌سيه‌وه هه‌رێم كوردستان
شه‌فه‌ق نيوز/ ته‌رم مير ته‌حسين به‌گ مير كورده‌يل ئێزيدى ره‌سيه ته‌ياره‌خانه‌ى ناوده‌وڵه‌تى هه‌ولێر پايته‌خت هه‌رێم كوردستان.
ته‌رم مير ئێزيديه‌يل له شار"هانوفه‌ر" له ئه‌ڵمانياوه جيواز كريا ك له‌وه‌ر چاره‌سه‌ر برياوێد و ئيشه‌يش ته‌رمه‌گه‌ى هاورياوه ئه‌را هه‌ولێر وه ته‌ياره‌يگ تايبه‌ت ك له‌لايه‌ن حكومه‌ت هه‌رێم كوردستانه‌و ئه‌راێ تايبه‌ت كريا.
جى باسه، نێچيروان بارزانى سه‌رۆك وه‌زيره‌يل هه‌رێم و شماره‌يگ له وه‌زيره‌يل و وه‌رپرسه‌يل و په‌رله‌مانتاره‌يل له كوردستان و عراق له پيشوازى ته‌رمه‌گه‌ى مير ئێزيديه‌يل بوين بيجگه نوێنه‌ره‌يل دبلۆماسى ده‌وڵه‌ته‌يل تر و كه‌سايه‌تيه‌يل ئايينى و كۆمه‌ڵايه‌تى و له هه‌مان وه‌خت مه‌راسيم پيشوازيكردن ئايينى له‌يلاه‌ن رووڵه‌يل تائيفه‌گه‌ييشه‌و ئه‌راى كرياو له قه‌زاى شێخان وه‌خاك سپاريه‌ێد ك شوون له‌داڵگبوينيه.
جى باسه، مير ته‌حشين به‌گ، ناوى ته‌حسين سه‌عيد كوڕ عه‌لى به‌گ، مير ئێزيديه‌يله له كوردستان و جه‌هان، له 15- 8- 1933 له ئاوايى باعه‌درى له قه‌زاى شێخان هاته‌سه دونياو له‌لايه‌ن ميان خاتون داپيره‌يه‌و دوياى 15 رووژ له مردن باوگى له‌ساڵ 1944 كريا مير ئێزيديه‌يل.
