هــــه‌واڵ عــیراق
خوه‌رئاواى ئه‌نبار ئارامه‌و هيزه‌يل عراقى ئاماده‌ن ئه‌را جه‌نگ راوه‌

خوه‌رئاواى ئه‌نبار ئارامه‌و هيزه‌يل عراقى ئاماده‌ن ئه‌را جه‌نگ راوه‌


شه‌فه‌ق نيوز/ سه‌رچه‌وه‌يگ ئاسايشى باس چه‌سپيان ئاسايش كرد له‌ناو ناوچه‌يل خوه‌رئاواى ئه‌نبار وه‌ل نيمچه‌ ئارامييگ و هاتنه‌وه‌ى ژيان سروشتى ئه‌را ئه‌و ناوچه‌يله‌ دوياى ئازادكردنيان له‌ژير ده‌سڵات ريكخرياگ ترۆريستى داعش.

 

ئه‌و سه‌رچه‌وه‌ ئه‌را(شه‌فه‌ق نيوز)وت: ناوچه‌يل خوه‌رئاواى ئه‌نبار سه‌قامگيرييگ ئاسايشى وه‌ خوه‌يانه‌و دينه‌ وه‌ل هانه‌وه‌ى ژيان سروشتى ئه‌رايان و مه‌شقكردن ژيانيان وه‌شيوه‌يگ ئاسايى.

 

جى باسه‌، ئه‌و سه‌رچه‌وه‌ ك نه‌تواس ناوى ئاشكرا بدێ يه‌يش ده‌رخست ك هيزه‌يل عراقى ئاماده‌ن ئه‌را ئازادكردن شار "راوه‌"يش له‌ژير ده‌سڵات ريكخرياگ ترۆريستى داعش دوياى ته‌مامبوين ئازادكردن زوورم ناوچه‌يل پاريزگاگه‌.