هــــه‌واڵ عــیراق
رافده‌ين ماوه‌ى داينه‌وه‌ى سلفه‌ سێ مليۆنيه‌گه‌ ديارى كرد

رافده‌ين ماوه‌ى داينه‌وه‌ى سلفه‌ سێ مليۆنيه‌گه‌ ديارى كرد


شه‌فه‌ق نيوز/ بانك رافده‌ين ئاشكراى ماوه‌ى داينه‌وه‌ى بڕه‌ سلفه‌گه‌ى خانه‌نشينه‌يل كرد ك سێ مليۆن ديناره‌.

 

له‌ى باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ ئه‌را(شه‌فه‌ق نيوز)وت: ماوه‌ى داينه‌وه‌ى ئه‌و سلفه‌ ئه‌ڕه‌سێده‌ 40 مانگ و گشت دو مانگ جاريگ له‌لى بڕيه‌ێد وه‌ گووره‌ى وه‌جبه‌ى مووچه‌ى خانه‌نشينه‌يل.

 

جى باسه‌، به‌ياننامه‌گه‌ وت: بڕين بڕه‌ قست مانگانه‌ى سلفه‌ى خانه‌نشينه‌يل وه‌ شێوه‌ى ئه‌لكترۆنى و له‌ڕێ كارت ئه‌لكترۆنى ئه‌دێ، داوايش له‌ خانه‌نشينه‌يل كرد سه‌ردان لقه‌يلێ بكه‌ن له‌وه‌ر پيشكه‌شكردن داواكارى ئه‌را وه‌رگرتن سلفه‌.