هــــه‌واڵ عــیراق
عراق 3 مناڵ دوياى زيندانيكردن داڵگيان ته‌سليم وه‌ جۆرجيا كرد

عراق 3 مناڵ دوياى زيندانيكردن داڵگيان ته‌سليم وه‌ جۆرجيا كرد


شه‌فه‌ق نيوز/ 3 مناڵ له‌ عراقه‌و كله‌وكريان ئه‌را تيبيليسى پايته‌خت جۆرجيا، ك ساڵ گوزه‌يشت له‌ زيندان وه‌سه‌ر بردن له‌ به‌غدا وه‌ل داڵگ حوكمدرياگيان له‌ زيندان ئه‌را هه‌تاهه‌تايى.

 

له‌ى باوه‌ته‌و، تييا تسولوكيانى وه‌زير داد جۆرجى ئه‌را رووژنامه‌نويسه‌يل وت: داڵگ ئى مناڵه‌يله‌ هاووڵاتى خه‌ڵك جۆرجيا و حوكم زيندانى هه‌تاهه‌تايى له‌بانى ده‌رچيه‌ وه‌ بوونه‌ى ئه‌وه‌گ هاوسه‌ره‌گه‌ى هاووڵاتى رووسى بويهو جه‌نگ له‌عراق كردگه‌و تومه‌ت تيرۆر وه‌پيا كرياگه‌ له‌ ڕز ريكخرياگ داعش.

 

تسولوكيانى يه‌يش ده‌رخست ك له‌مانگ مايۆ سه‌ردان ئه‌و هاووڵاتى جۆرجيه‌ كردگه‌ له‌ناو زيندان له‌ به‌غداو ئاماژه‌ وه‌يه‌يش كرد ك له‌و وه‌خته‌و تائيسه‌ وه‌ جددێ كار كردگه‌ ئه‌را هاوردنه‌وه‌ى ئه‌و سێ مناڵه‌ ك ته‌مه‌نيان ها ناونى 2 و 4 و 6 ساڵان. باس له‌وه‌يش كرد ك ده‌سڵاته‌يل جۆرجى گفتگوو وه‌رده‌وام ئه‌كا وه‌ل لايه‌ن عراقى له‌باره‌ى مه‌سه‌له‌ى داڵگه‌گه‌يش له‌وه‌ر ئه‌وه‌گ جاريگتر ته‌ماشاى حوكمه‌گه‌ى بكريه‌ێد.