هــــه‌واڵ عــیراق
داوا له‌ عه‌بدولمهدى كريه‌ێد دو وه‌زاره‌ت له‌ حكومه‌ته‌گه‌ێ بيه‌ێده‌ دو وه‌زير به‌سره‌يى

داوا له‌ عه‌بدولمهدى كريه‌ێد دو وه‌زاره‌ت له‌ حكومه‌ته‌گه‌ێ بيه‌ێده‌ دو وه‌زير به‌سره‌يى


شه‌فه‌ق نيوز/ ميساق حامدى ئه‌ندام هاوپه‌يمان فه‌تح له‌بان كوتله‌ى به‌در، داوا له‌ عادل عه‌بدولمهدى سه‌رۆك وه‌زيره‌يل راسپارياێ كرد هه‌ردوگ وه‌زاره‌ت نه‌فت و جيوازكردن وه‌ پاريزگاى به‌سره‌ بدريه‌ێد له‌وه‌ر ئه‌وه‌گ ئى پاريزگا خاوه‌ن به‌رهه‌م زياتر و هه‌نارده‌كردن نه‌فته‌ و سه‌رچه‌وه‌ى ئابوورى عراقه‌.

 

حامدى له‌به‌باننامه‌يگ رووژنامه‌گه‌رى وت: ئيمه‌ داوا له‌ عه‌بدولمهدى ئه‌كه‌يم هه‌ردوگ وه‌زاره‌ت نه‌فت و جيوازكردن بيه‌ێده‌ ده‌س دو وه‌زير خه‌ڵك پاريزگاى به‌سره‌، چونيكه‌ به‌نده‌ره‌يل فريه‌يگ ديرێد و ته‌نيا ده‌روازه‌ى ده‌ريايى عراقه‌و بيجگه‌ ئه‌وه‌گ پاريزگايگ خاوه‌ن به‌رهه‌م و هه‌نارده‌كردن نه‌فت زياتره‌.

 

جى باسه‌، حامدى هه‌ميش وت: داها به‌سره‌ ئه‌چێد ئه‌را گشت پاريزگايه‌يل عراق، وه‌لێ مه‌ردمه‌گه‌ى ناڵنن وه‌ده‌س كه‌مى ئاو و خزمه‌تگوزارى و هه‌ر بايه‌سه‌ هه‌ردوگ وه‌زير نه‌فت و جيوازكردن له‌ خه‌ڵك به‌سره‌ بوون تا ئحساس وه‌ مه‌ينه‌تى مه‌ردمه‌گه‌ێ بكه‌ن.