هــــه‌واڵ كــوردى
يه‌كێتى نيشتمانى ئاشكراى ئه‌نجامه‌يل دانيشتنه‌گه‌ێ كرد له‌ماڵ "مام جه‌لال"

يه‌كێتى نيشتمانى ئاشكراى ئه‌نجامه‌يل دانيشتنه‌گه‌ێ كرد له‌ماڵ "مام جه‌لال"


شه‌فه‌ق نيوز/ بافڵ تاڵه‌بانى له‌ماڵ مام جه‌لال سه‌ركرده‌ى كووچكردگ يه‌كێتى نيشتمانى پيشوازى له‌ كۆسره‌ت ره‌سول عه‌لى جيگر يه‌كه‌م ئه‌ميندار گشتى يه‌كێتى نيشتمانى كوردستان و به‌رهه‌م ساڵح جيگر دويه‌م ئه‌ميندار گشتى يه‌كێتى و شماره‌يگ تر له‌ ئه‌ندامه‌يل هه‌ردوگ مه‌كته‌ب سياسى و سه‌ركردايه‌تى كرد. 

 

له‌و دانيشتنه‌ دويا روێداگه‌يل و ئاڵشتكاريه‌يل سياسى له‌ عراق و ناوچه‌گه‌ تاووتوێ كريا وه‌ل جه‌ختكردن له‌ باره‌ى سياسه‌تيگ هاوسه‌نگ و هه‌رێميگ وه‌هيزتر و يه‌كڕزێ كورد له‌ناونى لايه‌نه‌يل سياسى له‌ هه‌رێم.

 

له‌و ديداره‌ جه‌ختيش له‌بان سياسه‌ت و ستراتيجيه‌ت تازه‌ى ئداره‌ى هه‌رێم و پيشكه‌شكردن خزمه‌تگوزاريه‌يل زياتر ئه‌را هاووڵاتيه‌يل كريا، وه‌ ئه‌وه‌گ حكومه‌ت تازه‌ له‌ هه‌رێم كوردستان بدێده‌ حكومه‌ت خزمه‌تگوزارى و ئاوه‌دانكردنه‌وه‌ى زياتر و هه‌ڵويست يه‌كێتييش له‌و دانيشتنه‌ ئه‌وه‌ بويه‌ ك هه‌وڵ ئه‌ياد ئه‌را چاره‌سه‌ر كيشه‌يل ناونى هه‌رێم و به‌غدا وه‌گووره‌ى ده‌ستوور عراقى.