هــــه‌واڵ عــیراق
مه‌عسوم و كوخشتسكى باس په‌يوه‌نديه‌يل دولايه‌نى و ئاڵشت وئوڵشت شاره‌زايى كردن

مه‌عسوم و كوخشتسكى باس په‌يوه‌نديه‌يل دولايه‌نى و ئاڵشت وئوڵشت شاره‌زايى كردن


شه‌فه‌ق نيوز/ فوئاد مه‌عسوم سه‌رۆك كۆمار عراق له‌ وارشۆ پايته‌خت پۆڵه‌ندى چه‌وى كه‌فته‌ ماريك كوشنسكى سه‌رۆك ئه‌نجومه‌ن نوێنه‌ره‌يل پۆڵه‌ندا و هه‌ردوگلا باس له‌ په‌يوه‌نديه‌يل دولايه‌نى ناونى هه‌ردوگ وڵات و ڕيه‌يل په‌ره‌وه‌پيدانى كردن.

 

سه‌رۆكايه‌تى كۆمار له‌ به‌ياننامه‌يگ ئه‌را(شه‌فه‌ق نيوز)وت: مه‌عسوم له‌و ديداره‌ باس له‌ گرينگى ئاڵشت وئوڵشت شاره‌زايى ناونى عراق و پۆڵه‌ندا كردگه‌ له‌ گشت بواره‌يل و يه‌يش ده‌رخستگه‌ ك عراق ئمڕوو جى ديد جه‌هانه‌ وه‌ بوونه‌ى ئه‌و سه‌ركه‌فتنه‌يله‌ ك ئه‌نجاميان داگه‌ دژ ترۆر و راوناين داعش.

 

جى باسه‌، مه‌عسوم داوايش له‌ گشت ده‌وڵه‌ته‌يل جه‌هان كرد پشتگيرى ئى سه‌ركه‌فتنه‌يله‌ بكه‌ن وه‌خاتر قورتاربوين و زاڵبوين له‌بان مه‌ترسى ريكخرياگ ترۆريستى داعش وه‌ شيوه‌يگ يه‌كجارى.