هــــه‌واڵ عــیراق
به‌غدا داوا له‌ توركيا كرد ته‌ياره‌يلى نه‌گه‌ردنه‌ ئاسمان عراقى

به‌غدا داوا له‌ توركيا كرد ته‌ياره‌يلى نه‌گه‌ردنه‌ ئاسمان عراقى


شه‌فه‌ق نيوز/ ئبراهيم جه‌عفه‌رى وه‌زير خارجيه‌ له‌نوو جه‌خت له‌ هه‌ڵوێست حكومه‌ت ناوه‌ندى كرد له‌ وجوود هيزه‌يل توركى له‌بان خاكه‌يل عراقى و داواى ئه‌وه‌يش كرد ته‌ياره‌يل جه‌نگى ئه‌نقه‌ره‌ له‌ ئاسمانه‌يل عراقى نه‌گه‌ردن.

 

نويسينگه‌ى ره‌سانن وه‌زير خارجيه‌ى عراقى له‌ به‌ياننامه‌يگ وت: جه‌عفه‌رى له‌ ديدارى وه‌ل فاتح يڵدز باڵوێز توركيا له‌ عراق باس له‌ ديارترين مه‌سه‌له‌يل ناونى به‌غداو ئه‌نقه‌ره‌و ريه‌يل بته‌وكردن په‌يوه‌نديه‌يل و ئه‌و هه‌وڵه‌يله‌ كردگه‌ ك عراقيه‌يل ئه‌يه‌نه‌ى له‌ جه‌نگ دژ ترۆر وه‌ل كووتاييهاوردن وه‌ هاتن ته‌ياره‌يل توركى ئه‌را ئاسمان عراقى.

 

جى باسه‌، به‌ياننامه‌گه‌ باس له‌وه‌يش كرد جه‌عفه‌رى له‌و ديداره‌ جه‌ختيش له‌ خواست كيشاننه‌وه‌ى هيزه‌يل توركييش كردگه‌ له‌ناو خاكه‌يل عراقى.