هــــه‌واڵ عــیراق
واران و لافاو فريه‌يگ چه‌ن ناوچه‌يگ له‌ موسڵ ژيرئاو كرد

واران و لافاو فريه‌يگ چه‌ن ناوچه‌يگ له‌ موسڵ ژيرئاو كرد


شه‌فه‌ق نيوز/ سه‌رچه‌وه‌يگ ئاشكراى ئه‌وه‌ كرد و واران و لافاو فريه‌يگ چه‌ن ناوچه‌يگ له‌ شار موسڵ له‌ پاريزگاى نه‌ينه‌وا گرته‌سه‌و.

 

سه‌رچه‌وه‌گه‌ ئه‌را شه‌فه‌ق نيوز وت: واران و ئاو لافاوه‌يل روێ له‌ ناوچه‌ى قه‌وسيات و ره‌شيديه‌ كردگه‌ له‌ باكوور موسڵ و ئه‌و لافاوه‌ له‌ قه‌زاى تلكێف و ناوچه‌يل تر باكوور موسڵه‌و هاتگه‌.

 

جى باسه‌، سه‌چه‌وه‌گه‌ هه‌ميش وت: ئه‌و لافاوه‌ به‌شه‌يليگ له‌ ناوچه‌يل عه‌ره‌بى و ره‌شيديه‌و ماليه‌و شورته‌ له‌ ديم چه‌پ موسڵ و ناوچه‌يل دووڵ حه‌جه‌ر و غزلانى و ته‌يه‌ران و نه‌بى شيت و ته‌وافله‌ له‌ ديم راس موسڵ چيرئاو كردگه‌، يه‌يش له‌وه‌ختيگ ك هيزه‌يل پۆليس ناوه‌ندى 15 خيزان قورتار كردنه‌ ك پيكهاتنه‌ له‌ 83 كه‌س و لافاو ده‌وريان داوێد له‌ قه‌زاى دبس له‌ پاريزگاى كه‌ركوك.