هــــه‌واڵ عــیراق
حكومه‌ت عراقى داواكاريه‌گه‌ى ئه‌مريكا ئه‌را وسانن جه‌نگ له‌ ته‌لعه‌فه‌ر خسته‌ دروو

حكومه‌ت عراقى داواكاريه‌گه‌ى ئه‌مريكا ئه‌را وسانن جه‌نگ له‌ ته‌لعه‌فه‌ر خسته‌ دروو


شه‌فه‌ق نيوز/ ئه‌ميندارێتى گشتى ئه‌نجومه‌ن وه‌زيره‌يل هه‌واڵه‌گه‌ى ئاژانس فه‌رمى "ئيرنا" خسته‌ دروو له‌باره‌ى ئه‌وه‌گ وڵاته‌يل يه‌كگرتگ ئه‌مريكى داواى وساننه‌وه‌ى كرده‌وه‌يل سه‌ربازى ئه‌را ئازادكردن قه‌زاى ته‌لعه‌فه‌ر له‌ عراق كردگه‌.

 

ئه‌ميندارێتى گشتى له‌ به‌ياننامه‌يگ ك بڵاوى كرد له‌بان ماڵپه‌ڕه‌ فه‌رميه‌گه‌ى و (شه‌فه‌ق نيوز) ئاگادارى بوى، وت: ئه‌و هه‌واڵه‌ ك له‌لايه‌ن ئاژانس ئيرنا بڵاو كريا له‌باره‌ى پلان ئازادكردن شار ته‌لعه‌فه‌ر دويره‌ له‌ڕاسى و هويچ په‌ياميگ ئه‌مريكى له‌ى باوه‌ر ئه‌را حكومه‌ت عراقى وجوود نه‌يرێد.

 

جى باسه‌، به‌ياننامه‌گه‌ باس له‌وه‌يش كرد ك حاڵ حازر هويچ ريككه‌فتنيگ ئاسايشى له‌ناونى عراق و لايه‌ن ئه‌مريكى نيه‌و بارودوخ عراق وه‌ ته‌مامى ها ژير سه‌روه‌رى نيشتمانى عراقى.