هــــه‌واڵ جیــهانى
"وه‌خشين سزايه‌يل ئيرانى" نرخ نه‌فت داوه‌زان

"وه‌خشين سزايه‌يل ئيرانى" نرخ نه‌فت داوه‌زان


شه‌فه‌ق نيوز/ نرخ نه‌فت خام په‌يمانه‌يى زياتر له‌ يه‌ك له‌سه‌د داوه‌زێ، ئه‌ويش دوياى ئه‌وه‌گ واشنتۆن باس له‌وه‌ كرد ك شايه‌ت بڕيگ وه‌خشين له‌و سزايه‌يله‌ ئه‌نجام بيه‌ێد ك فه‌رز كريه‌ێد له‌بان هه‌نارده‌يل نه‌فت ئيرانى له‌ مانگ ئاينده‌.

 

نرخ هه‌ر به‌رميليگ نه‌فت خام برنت ره‌سيه‌ 83.25 دۆلا، ئه‌ويش وه‌ داوه‌زين 91 سه‌نت ك ئه‌كاده‌ 1.1 له‌سه‌د له‌وه‌خت دويا مامڵه‌ى له‌ بازاڕه‌يل جه‌هانى.

 

جى باسه‌، نرخ نه‌فت خوه‌رئاواى تكساسيش 57 سه‌نت داوه‌زێ، ك يه‌يش ئه‌كاده‌ 0.8 له‌سه‌د و هه‌ر به‌رميليگى ره‌سيه‌ 73.77 دۆلار.