هــــه‌واڵ كــوردى
زياتر له‌ سه‌د كه‌س خه‌ڵك سلێمانى له‌ وڵاتيگ ئۆرپى گيرخواردنه‌

زياتر له‌ سه‌د كه‌س خه‌ڵك سلێمانى له‌ وڵاتيگ ئۆرپى گيرخواردنه‌


شه‌فه‌ق نيوز/ ئه‌را ماوه‌ى زياتر له‌ سێ رووژه‌ بڕيگ گه‌شتيار له‌ خه‌ڵك پاريزگاى سلێمانى له‌ هه‌رێم كوردستان ك شماره‌يان 106 گه‌شتياره‌، له‌ كۆمار ئازه‌ربايجان گيرخواردنه‌و ناتويه‌نن گله‌وبخوه‌ن له‌ وه‌خت دياريكرياێ خوه‌يان و وه‌رپرسيگيش له‌ ته‌ياره‌خانه‌ى به‌غدا وت: حكومه‌ت ناوه‌ندى رێ وه‌پيان نايه‌ێد گله‌وبخوه‌ن وه‌ بوونه‌ى ئه‌وه‌گ ئه‌و ته‌ياره‌ ك جيوازيان ئه‌كا زانيارى وشكانن و مه‌نفێست نه‌يرێد.

 

ئه‌و گه‌شتياره‌يله‌ ئه‌را ماوه‌ى 11 رووژه‌ گه‌شت وه‌ره‌و ئازه‌ربايجان كردنه‌و بايه‌س بوێ رووژ په‌نجشه‌ممه‌ى گوزه‌يشت گله‌ويخوارديان ئه‌را ته‌ياره‌خانه‌ى ناوده‌وڵه‌تى سلێمانى.

 

جى باسه‌، هه‌مان وه‌رپرس عراقى باس له‌وه‌يش كرد ئه‌و گه‌شتياره‌يله‌ سوو دوشه‌ممه‌ گله‌و ئه‌خوه‌ن ئه‌را ته‌ياره‌خانه‌ى ناوده‌وڵه‌تى سلێمانى، چوينكه‌ به‌غدا رێ وه‌و ته‌ياره‌و ئه‌و گه‌شتياره‌يله‌ نايه‌ێد.