هــــه‌واڵ عــیراق
ئه‌نداميگ له‌وه‌ر نه‌كه‌فتن حكومه‌ت عه‌بدولمه‌هدى مه‌رجيگ ديارێ كرد

ئه‌نداميگ له‌وه‌ر نه‌كه‌فتن حكومه‌ت عه‌بدولمه‌هدى مه‌رجيگ ديارێ كرد


شه‌فه‌ق نيوز/ مه‌نسور به‌عێجى ئه‌ندام له‌بان هاوپه‌يمانى بنياتناين داوا له‌ عادل عه‌بدولمه‌هدى سه‌رۆك وه‌زيره‌يل كرد هه‌ڵه‌په‌ڵه‌ بكا له‌ پيشكه‌شكردن باقى كابينه‌ وه‌زاريه‌گه‌ى له‌ڕێ ئاماده‌بوينى ئه‌را ئه‌نجومه‌ن نوێنه‌ره‌يل له‌ دانيشتن ئاينده‌ و كانديده‌يل له‌وه‌رده‌م په‌رله‌مان پيشكه‌ش بكا ئه‌را ئه‌وه‌گ ده‌نگ له‌بانيان بدريه‌ێد و متمانه‌ وه‌ربگرن.

 

به‌عێجى له‌ به‌ياننامه‌يگ ئه‌را شه‌فه‌ق نيوز وت: هه‌ر بايه‌سه‌ كانديه‌يل پيشكه‌ش بكريه‌ن دوير له‌ فشار كوتله‌يل سياسى و بايه‌سه‌ عه‌بدولمه‌هدى وه‌گووره‌ى باوه‌ڕ خوه‌ى پيشكه‌شيان بكا نه‌ك فه‌رز بكريه‌ن له‌بانى له‌لايه‌ن كوتله‌يل سياسيه‌و.

 

جى باسه‌، به‌عێجى هه‌ميش وت: ئه‌گه‌ر عه‌بدولمه‌هدى خوه‌ى ئاماده‌ى ئه‌نجومه‌ن نوێنه‌ره‌يل نه‌دێ و باقى ناوه‌يل پيشكه‌ش نه‌كا ئه‌را ته‌واوكردن كابينه‌ وه‌زاريه‌گه‌ى ئه‌وه‌ له‌ى حاڵه‌ته‌ متمانه‌ له‌ده‌س ئه‌ياد له‌ناونى ئه‌نجومه‌ن و حكومه‌ت و حكومه‌ته‌گه‌ى ئه‌كه‌فێد وه‌بوونه‌ى شكه‌ستى له‌ يه‌كلا نه‌كردنه‌وه‌ى كابينه‌ وه‌زاريه‌گه‌ێ.