هــــه‌واڵ عــیراق
سه‌جه‌رى: كورسى په‌رله‌مانيه‌گه‌م وه‌رانوه‌ر يه‌ك مليۆن دۆلار له‌ده‌سدام

سه‌جه‌رى: كورسى په‌رله‌مانيه‌گه‌م وه‌رانوه‌ر يه‌ك مليۆن دۆلار له‌ده‌سدام


شه‌فه‌ق نيوز/ عه‌لى سه‌جه‌رى ئه‌ميندار گشتى "جايه‌ڵه‌يل عراق ئازاد" ئه‌وه‌ ده‌رخست ك ريككه‌فتن گه‌ناته‌كارى يه‌كيگ له‌ ساخته‌كاره‌يل زياتر له‌ يه‌ك مليۆن دۆلار ئه‌مريكى بويه‌سه‌ هووكار سڕكردن ده‌نگ ده‌نگده‌ره‌يل و ئاڵشتكردن ئاكامه‌يل ليسته‌گه‌ى له‌ به‌رژه‌وه‌ندى كانديديگ تر.

 

سه‌جه‌رى له‌ به‌ياننامه‌يگ ك شه‌فه‌ق نيوز ئاگادارى بوى، وت: پرووسه‌ى شماردنه‌وه‌ى ده‌سى ده‌نگه‌يل له‌ سه‌ره‌تاوه‌ ئه‌وه‌ ده‌رخست براوه‌ له‌بان له‌بان ليست سه‌ڵاحه‌دين ناسنامه‌مانه‌ ك شماره‌ى 2 داشت(عه‌لى عه‌بدوڵڵا مه‌حمود سه‌جه‌رى)بوێ، يه‌يش وه‌گووره‌ى چاودێره‌يل و سه‌رچه‌وه‌يل متمانه‌دار له‌ناو هۆڵ شماردنه‌وه‌ى ده‌نگه‌يل له‌به‌غدا، وه‌لێ له‌وه‌خت ئعلانكردن ئاكامه‌يل كاره‌گه‌ چه‌وه‌اشه‌وه‌ بوى و شماره‌ى فريه‌يگ له‌ ده‌نگ ده‌نگده‌ره‌يلمان وه‌ مه‌هانه‌ى نادروس سڕ كريا.

 

جى باسه‌، سه‌جه‌رى هه‌ميش وت: ئيمه‌ ڕێ وشوون ياسايى و دادوه‌رى ئه‌گريمنه‌ وه‌ر ده‌رهه‌ق ساخته‌كاره‌يل گه‌ناته‌كاره‌ و ئه‌وانه‌گ هووكا ربوينه‌ له‌ ساخته‌كردن شماره‌ى فريه‌يگ له‌ ده‌نگه‌يل و ئاكامه‌يل شمارنه‌وه‌ى ده‌سى ده‌نگه‌يل.