هــــه‌واڵ عــیراق
شابه‌نده‌ر: ئه‌مريكا پشتگيرى ولايه‌ت دويه‌م عه‌بادى ئه‌كاو ئيران رازێ نيه‌

شابه‌نده‌ر: ئه‌مريكا پشتگيرى ولايه‌ت دويه‌م عه‌بادى ئه‌كاو ئيران رازێ نيه‌


شه‌فه‌ق نيوز/ عزه‌ت شابه‌نده‌ر سياسه‌تمه‌دار عراقى و ئه‌ندام وه‌رين، پيشبينى ئه‌وه‌ ئه‌كا ساخته‌كارێ بكريه‌ێد له‌ هه‌ڵوژاردنه‌يل ئاينده‌ى نوێنه‌رايه‌تى و وت: وڵاته‌يل يه‌كگرتگ ها وه‌ل ولايه‌ت دويه‌م حه‌يده‌ر عه‌بادى سه‌رۆك وه‌زيره‌يل و له‌ هه‌مان وه‌خت ئيرانيش رازێ نيه‌ وه‌و كاره‌.

 

رووژنامه‌ى حه‌يات له‌نده‌نى له‌ زووان شابه‌نده‌ره‌و ك شه‌فه‌ق نيوز ئاگادارى بوێ وت: هاووڵاتيه‌يل عراقى تويش بيتاقه‌تى هاتنه‌ وه‌ بوونه‌ى دوباره‌بوينه‌وه‌ى هه‌مان روخسار و كه‌سه‌يل و پيشبينى يه‌يش ئه‌كريه‌ێد ساخته‌كارێ روێ بيه‌ێد وه‌شيوازيگ جيا له‌ هه‌ڵوژاردنه‌يل وه‌رين و شايه‌ت له‌لايه‌ن هووكاره‌يل ناوده‌وڵه‌تى و هه‌رێميه‌و ئه‌نجام بدريه‌ێد ك ئاينده‌ى عراق له‌شوون 2018 فريه‌ گرنگه‌ له‌لايان.

 

شابه‌نده‌ر مه‌سه‌له‌ى ده‌خاڵه‌ت وڵاته‌يل يه‌كگرتگ وه‌ دوير نه‌زانست  ك ده‌زگايه‌يل شماردن و جياكردنه‌وه‌ى ئه‌لكترۆنى داناگه‌ وه‌ ته‌كنيك به‌رزيگه‌و له‌وه‌ر ساخته‌كردن ئاكامه‌يل هه‌ڵوژاردن له‌ به‌رژه‌وه‌ندى ئه‌و لايه‌نه‌ ك خوه‌ێ ئه‌خوازێده‌و سه‌رۆك وه‌زيره‌يل ئاينده‌ وه‌ گووره‌ى ديارێ بكريه‌ێد و هه‌ميش وت: ئامانج له‌ى ساخته‌كاريه‌ ئه‌وه‌سه‌ عراق بكريه‌ێده‌ به‌شيگ بنه‌ڕه‌تى له‌ خه‌ريته‌ى تازه‌ى ناوچه‌گه‌.