هــــه‌واڵ عــیراق
هيزه‌يل ئه‌مريكى بنگه‌ى سه‌ربازى له‌ عراق دامه‌زرنن

هيزه‌يل ئه‌مريكى بنگه‌ى سه‌ربازى له‌ عراق دامه‌زرنن


شه‌فه‌ق نيوز/ سه‌رچه‌وه‌يگ وه‌رپرس ئێزيدى، ئاشكراى وجوود جموجويل كرد ئه‌را دامه‌زرانن بنگه‌يگ تازه‌ى سه‌ربازى له‌ نك جه‌وه‌ڵ شه‌نگاڵ له‌ باكوور خوه‌رئاواى موسڵ.

 

له‌ى باوه‌ته‌و، جه‌لال خه‌لۆ جيگر قايمقام شه‌نگاڵ ئه‌را كوردستان 24 وت: 15 سه‌ياره‌ى سه‌ربازى ك پيشبينى ئه‌كريه‌ێد سه‌ر وه‌ هيزه‌يل ئه‌مريكى بوون ره‌سينه‌سه‌ جه‌وه‌ڵ شه‌نگاڵ و له‌ نك جه‌وه‌ڵه‌گه‌ جيگيره‌و بوينه‌.

 

خه‌لۆ هه‌ميش وت: ئه‌و هيزه‌يله‌ ئاماده‌ن ئه‌را دامه‌زرانن بنگه‌يگ سه‌ربازى له‌بان نك جه‌وه‌ڵه‌گه‌ ك يه‌كيگه‌ له‌ بنگه‌يل ستراتيجى له‌ عراق و نزيكه‌ى 125 كم له‌ موسڵ دويره‌ له‌ مه‌رز وه‌ل سوريا، يه‌يش له‌وه‌ختيگ ك هووكاره‌يل ره‌سانن عراقى باس له‌وه‌ كردن بنگه‌يگ سه‌ربازى سه‌رپه‌رشى له‌بان خه‌ت مه‌رزێ ناونى عراق و سوريا ئه‌كا له‌ بياوان خوه‌رئاواى نه‌ينه‌وا.