هــــه‌واڵ عــیراق
ژيرپاخستن وێنه‌ى كه‌سايه‌تيه‌يل ئه‌گه‌ره‌يل داوڕيان له‌ ئوردن ديرێد

ژيرپاخستن وێنه‌ى كه‌سايه‌تيه‌يل ئه‌گه‌ره‌يل داوڕيان له‌ ئوردن ديرێد


شه‌فه‌ق نيوز/ عه‌واتف نعمه‌ ئه‌ندام ئه‌نجومه‌ن نوێنه‌ره‌يل عراقى له‌بان ئئتلاف ده‌وڵه‌ت ياسا ئه‌وه‌ ده‌رخست ك بڕيگ له‌ ئوردميه‌يل زووان دريژى كردنه‌سه‌ بان مه‌رجه‌عه‌يل ئايينى و كه‌سايه‌تيه‌يل ئسلامى و كه‌سايه‌تيه‌يل نيشتمانى و له‌ناونيانيش نورى مالكى جيگر سه‌رۆك كۆمار.

 

نعمه‌ له‌ باسيگ ئه‌را(شه‌فه‌ق نيوز)وت: بڕيگ له‌ خاوه‌ن فكره‌يل ته‌كفيرى له‌ ئوردن زووان دريژى كردنه‌سه‌ بان سه‌يد عه‌لى سيستانى مه‌رجع و خراوه‌كارى وه‌ وێنه‌ى سه‌ركرده‌يل محوه‌ر مقاومه‌و كه‌سايه‌تيه‌يل نيشتمانى عراقى كردنه‌و له‌ناونيانيش مالكى و بايه‌سه‌ وزاره‌ت خارجيه‌ى عراقى ئاشكراى هه‌ڵويست خوه‌ى بكا له‌ وه‌رانوه‌ر ئه‌و كرده‌وه‌ى ناپه‌سه‌نه‌ و ئه‌وه‌ له‌ هويريان چيه‌ ك ئابوورى ده‌وڵه‌ته‌گه‌يان داوزێد له‌ حاڵه‌تيگ ئه‌گه‌ر په‌يوه‌ندى بازرگانى وه‌ل ئوردن بوڕيه‌ێد و داوڕيان وه‌ليا له‌گشت بواريگه‌و باريمنه‌ كار.

 

جى باسه‌، نعمه‌ هه‌ميش وت: له‌ حاڵه‌تيگ ئه‌گه‌ر حكومه‌ت ئوردنى داواى وه‌خشين فه‌رمى نه‌كا له‌ ملله‌ت عراقى، ئه‌وه‌ بايه‌سه‌ روێ له‌ داوڕيان بكه‌يم وه‌ل ئوردن.

 

جى باسه‌، بڕێگ له‌ خوه‌ينيشانده‌ره‌يل ئوردنى وێنه‌ى نورى مالكى سه‌رۆك وه‌رين وه‌زيره‌يل و موقته‌دا سه‌در سه‌ركرده‌ى ره‌وت سه‌درى و عه‌لى خامه‌نه‌ئى رابه‌ر ئيرانى و به‌شار ئه‌سه‌د سه‌رۆك سورى و عه‌بدولمه‌لك ئه‌لحوسى سه‌ركرده‌ى حوسيه‌يل خستنه‌ بان زه‌وى و وه‌پا چينه‌ بانيان.