هــــه‌واڵ كــوردى
هه‌ولێر ئاماژه‌ وه‌ داوه‌زين شماره‌ى كووچبه‌ره‌يل ده‌نگده‌ر كرد ئه‌را هه‌ڵوژاردنه‌يل په‌رله‌مانى

هه‌ولێر ئاماژه‌ وه‌ داوه‌زين شماره‌ى كووچبه‌ره‌يل ده‌نگده‌ر كرد ئه‌را هه‌ڵوژاردنه‌يل په‌رله‌مانى


شه‌فه‌ق نيوز/ نويسينگه‌ى كۆمسيۆن باڵاى سه‌روه‌خوه‌ى هه‌ڵوژاردنه‌يل و راپرسى له‌ هه‌ولێر، ئاشكراى داوه‌زين ناو شماره‌ى ده‌نگده‌ره‌يل كرد له‌وانه‌ك هه‌ق ده‌نگداين ديرن له‌ هه‌ڵوژاردنه‌يل په‌رله‌مانى ك بڕياره‌ له‌ كووتايى ئه‌يلوول ئاينده‌ ئه‌نجام بگرێد جوور راپرسيه‌گه‌ى ساڵ گوزه‌يشت ئه‌را سه‌روه‌خوه‌يى له‌ عراق.

 

له‌ى باوه‌ته‌و، وه‌ڕيه‌وبه‌ر نويسينگه‌گه‌ له‌ كۆنگره‌يگ رووژنامه‌گه‌رى ك شه‌فه‌ق نيوز ئاگادارى بوى وت: تازه‌كردنه‌وه‌ى ناو ده‌نگده‌ره‌يل پشت وه‌ كارت ته‌موينى ئه‌وه‌سێد جوور ئه‌وه‌گ كومسيۆن بڕيارى دا و ئاماژه‌ وه‌يه‌يش كرد ك شماره‌يگ له‌ليان هه‌ق ده‌نگداين ديرن له‌ هه‌ڵوژاردنه‌يل له‌ هه‌ولێر ك ئه‌ويش نزيكه‌ى يه‌ك مليۆن و 112 هه‌زار و 148 ده‌نگده‌رن.

 

وه‌ريه‌وبه‌ر نويسينگه‌گه‌ هه‌ميش وت: شماره‌ى ده‌نگده‌ره‌يل كه‌مه‌و بويه‌ له‌چه‌و پرووسه‌ى راپرسيه‌گه‌ ك له‌ ئه‌يلوول گوزه‌يشت ئه‌نجام گرت، ئه‌ويش وه‌ بوونه‌ى ئه‌و رێ وشوونه‌يله‌ ك كۆمسيۆن ئه‌نجامى داگه‌.