هــــه‌واڵ عــیراق
په‌لاماريگ داعش كاره‌با له‌ هه‌ردوگ ناحيه‌ى مه‌نه‌لى و قه‌زانيه‌ بڕێ

په‌لاماريگ داعش كاره‌با له‌ هه‌ردوگ ناحيه‌ى مه‌نه‌لى و قه‌زانيه‌ بڕێ


شه‌فه‌ق نيوز/ حه‌يده‌ر ستار ئه‌ندام ئه‌نجومه‌ن ناحيه‌ى مه‌نه‌لى له‌ پاريزگاى دياله‌، ئاشكراى ئه‌وه‌ كرد ك كاره‌با له‌ هه‌ردوگ ناحيه‌ى مه‌نه‌لى و قه‌زانيه‌ له‌ دياله‌ بڕياگه‌ له‌ شوون شكه‌ستهاوردن وه‌ په‌لاماريگ داعش ك ماڵ سه‌رۆك هووزيگ له‌ ناحيه‌گه‌ گرته‌سه‌ ئامانج.

 

له‌ى باوه‌ته‌و، مه‌نده‌لاوى وت: بريگ ترۆريست سه‌ر وه‌ ريكخرياگ داعش په‌لامار ماڵ سه‌رۆك هووزيگ له‌ ناحيه‌ى مه‌نه‌لى دانه‌، وه‌لێ هيزيگ له‌ مه‌ردم وه‌ پشتگيرى هيزه‌يل ئاسايشى و حه‌شد شه‌عبى تويه‌نستنه‌ شكه‌ست وه‌و په‌لاماره‌ بارن و داعشيه‌يل راو بنه‌ن ئه‌را ده‌يشت ناحيه‌گه‌.

 

جى باسه‌، مه‌نده‌لاوى هه‌ميش وت: خه‌ت جيوازكه‌ر سه‌ره‌كى كاره‌با ئه‌را هه‌ردوگ ناحيه‌ى ناوبرياگ تويش زه‌ره‌د فريه‌گ هاتگه‌ له‌ ئاكام ته‌قه‌كردن له‌ وه‌خت ئه‌و په‌لاماره‌و له‌ ئاكام ئه‌و رويداگيشه‌ كاره‌با له‌ هه‌ردوگ ناحيه‌گه‌ بڕياگه‌.